पौष २४, काठमान्डौ। नेपाल कम्युनिस्ट पार्टीका पोलिटब्युरो सदस्य तथा पूर्वी गण्डक ब्युरो इन्चार्ज आदर्श सीले पक्राउ पुर्जीमा उपस्थित नहुने बताएका छन् । बाँके जिल्ला अदालतद्वारा जारि भएको ३५ दिने पक्राउ पुर्जी तिन बुंदे सहमति विपरित भएको बताउदै झुट्टा मुद्दामा उपस्थित नहुने बिज्ञप्ति मार्फत बताएका हुन् ।

उनले साम्राज्यवादी घेरामा रहेको दलाल सरकारकाले लगाएको झुट्टा मुद्दालाई अस्वीकार गर्दै खारेज गर्न माग गरेका छन् । नेकपाका महासचिव विप्लव र प्रवक्ता प्रकाण्ड लगाएतका नेता तथा कार्यकर्ताहरुमाथि जारि गरेको पक्राउ पुर्जी खारेज नगरे संघर्ष गर्ने चेतावनी समेत दिएका छन् ।

केन्द्रिय नेता आदर्श सीको घरमा बाँके जिल्ला अदालतद्वारा २०७९ साल माघ १९ गते जारि भएको पैतिस दिने पक्राउ पुर्जी टाँसीएको छ । पैतिस दिने म्याद भित्र अदालतमा हाँजिर हुन आदेश जारि गरिएको छ ।