साउन १६, रोल्पा । रोल्पाको रुन्टिगढी गाउँपालिका होलेरी रोल्पामा संचालित कृषि हाटबजार होलेरीले रोल्पा जिल्लामै अहिले सम्मकै तरकारी भाउको नयाँ रेकर्ड कायम गरेको छ ।

हाटबजार संचालनमा आएको छैटौं दिन मङगलबार होलेरी हाटबजार समितीले निर्धारण गरेको टमाटरको न्युनतम मूल्य रु १२० रुपैयाँ र अधिकतम रु १४५ रहेको थियो । सोही टमाटरको मुल्यले आज रोल्पा जिल्लाकै तरकारी मुल्यमा नयाँ रेकर्ड कायम गरेको हो ।

हाट बजार संचालनमा आएको छैटौं दिन मङगलबार टमाटरको मूल्य १४५ सम्म उक्लिएपछि कृषकहरु उत्साहित भएका छन । रुन्टिगढी गाउँपालिका वडा न. ८ का रोहित वि.कले कृषी पेशामा ८ बर्ष देखि निरन्तर गर्दै आएको बताउदै आफुले अहिले सम्मकै धेरै मूल्य पाएको बताए ।

आज हाट बजारमा तरकारीले मुल्य पाएपछि प्रदेशमै आफ्नै माटोमा थप मेहेनत गर्ने उर्जा थपिएको बताए । साथै हाट बजार संचालनमा आएपछि आफुहरुलाइ निकै फाइदा भएको बताउदै हाट बजार संचालन गर्न कृषहरुले जस्तोसुकै अवस्थामा गाउँपालिका हाट बजार संचालक समितिलाइ साथ दिने बताए । अन्य कृषकहरुले हाट बजार संचालनमा ल्याउन मेहेनत गर्ने गाउँपालिका, हाट बजार संचालक समिति, गोल परियोजना (दुई)र समुन्नति परियोजनालाई धन्यवाद व्यक्त गरेका थिए ।

हाट बजार संचालक समितिका अध्यक्ष चन्द्र प्रकाश महराले कृषक खुशी देखिँदा आफुलाइ थप काम गर्ने उर्जा थपिएको बताए । साथै हाट बजार संचालनको ट्राइलमा रहेको बताउदै महराले ट्राइलको समयमा वडा तहका केही जनप्रतिनिधिहरु र केही व्यापारीहरु नै हाट बजारलाई असफल गराउन लागि परेको भन्दै दु:ख व्यक्त गरे । उनले भने-“तपाईहरुले किसानहरु सङ्ग राजनीति गर्न छोड्नुस,यदि किसान सङ्ग राजनिती गर्न छोड्नु भएन भने भोलि तपाईं माथी नै संङ्कट आइपर्नेछ “,।