सल्यानको छत्रेश्वरी गाउँपालिका वडा नम्बर २ को छैटौँ वडा अध्यक्षकप सम्पन्न भएको छ । वडाका ७ वटा बिद्यालयहरु सहभागी रहेका थिए ।

विभिन्न खेल विधाहरुमा बिद्यार्थीहरुलाई तहगत प्रतिस्पर्धा गराईएको थियो । यसरि कक्षा १-३, कक्षा ४-५ र कक्षा ६-८ को तह स्तरीय प्रतिस्पर्धामा श्री जनता मा.वि. गुराँसे टाकुरी सल्यानले तिन वटै तहका कपहरु पात पारेको हो ।

श्री जनता मा.वि. गुराँसेटाकुरी सल्यानले विभिन्न विधाका खेलहरुबाट २२ पदकहरु प्राप्त गरेको थियो । तहगत खेलहरुमा हाजिरी जबाफ, शब्द मेमोरी, हिसाव दौड, दौड, हाईजम्प, लङजम्प, ट्रिपल जम्प, भलिवल रहेका थिए ।

वडा स्तरीय खुल्ला खेलहरु भलिबल, रस्साकस्सि (पुरुष महिला), स्वास्थ्य आमा समुहहरु बिच स्वास्थ्य सम्बन्धि हाजिरी जबाफ प्रतियोगिता भएका थिए ।

खुला वडास्तरीय पुरुष भलिबल रानी पोखरी प्रथम, दहखोला द्धितीय, गुराँसे तृतीय भएका थिए भने महिला भलिबलमा प्रथम गुराँसे टाकुरी, द्धितीय रानी पोखरी र तृतीय दहगाउँ भएको थियो । रस्साकस्सीमा दहखोलाले जित हात पारेको थियो ।

उक्त प्रतियोताको सभापति वडाध्यक्ष प्रेम बहादुर नेपाली रहेका थिए ।