– के एम जलजला
ओठको मुस्कान हरायो उतै परदेश तिरै ।
आफ्नै पहिचान हरायो उतै परदेश तिरै ।
भबिस्यमा लालन पोषण गर्ने बृद्व बाको
ती एक्लो सन्तान हरायो उतै परदेश तिरै ।
गरिबी बेरोजगारले सिमा नाघ्दा देशभित्र
कठै एक विद्वान हरायो उतै परदेश तिरै ।
भुतबाट केहि पाठ सिक्दै भबिस्य खोज्दा
अमुल्य बर्तमान हरायो उतै परदेश तिरै ।
जब काम गर्दैगर्दा अपांग भयो तब सारा
सपनाको उडान हरायो उतै परदेश तिरै ।
इमीरेट्स, अरब
प्रतिक्रिया दिनुहोस