भायानेटका ग्राहकले मिदास ई-क्लास निःशुल्क चलाउन पाउने


चैत २८, काठमाडौं । इन्टरनेट सेवा प्रदायक भायानेटले विद्यालयका विद्यार्थीहरूको डिजिटल सिकाइ अनुभवलाई गति दिने उद्धेश्यका साथ नेपालमा ई-लर्निङको सुरुवातकर्ता मिदास एडुकेसनसँग साझेदारी गरेको छ। यो सहकार्यसँगै भायानेटका सबै ग्राहकहरूले मिदास ई-क्लास एक महिना निःशुल्क चलाउन पाउनेछन्।

नर्सरीदेखि कक्षा १० सम्मका लागि सरकारद्वारा प्रमाणित पाठ्यक्रम रहेको मिदास ई-क्लास एन्ड्रोइड मोबाइल र ल्यापटपमा वेबसाइट मार्फत प्रयोग गर्न सकिन्छ।

विभिन्न ट्युटोरियल भिडियोहरू, क्विजहरू र विभिन्न अन्तर-क्रियात्मक कार्यक्रमहरू रहेको यो सेवाले अनलाइन सिकाईलाई अझ सहज र रमाइलो बनाउँने कम्पनीको भनाइ छ। मिदास ई-क्लासमा लाइभ ट्युटोरिङको विशेष सुविधा पनि रहेकाले शिक्षकहरूले आफ्ना विद्यार्थीहरूलाई लाइभ सिकाउन र विद्यार्थीहरूसँग अन्तरक्रिया गर्न सक्छन्।

विद्यालय अध्यनरत विद्यार्थीहरूको लागि फलामे ढोका मानिने एसइई नजिकै रहेको अवस्थामा परीक्षाको तयारी गरिरहेका सबै विद्यार्थीहरूलाई यो सहकार्यले विशेष फाइदा पुग्ने आशा गरिएको छ।

भायनेटले २०७९ वैशाखसम्म आफ्नो ग्राहकलाई मिदास ई-क्लास एक महिना निः शुल्क चलाउन दिने भएको हो। यसको लागि भायनेटका ग्राहकहरूले आफ्नो भायानेट कस्टमर पोर्टल वा भायानेट मोबाइल एप मार्फत लगइन गरी मिदास ई-क्लास दाबी गर्नुपर्ने हुन्छ।

उच्च गतिको इन्टरनेट र आइपिटिभी सेवाका लागि परिचित भायनेटले आफ्ना ग्राहकहरूलाई उत्कृष्ट डिजिटल अनुभव प्रदान गर्न नेपाल र बाहिरका प्रख्यात संस्थाहरूसँग साझेदारी गर्दै आएको छ।

२८ चैत्र २०७८, सोमबार को दिन प्रकाशित

प्रतिक्रिया दिनुहोस

ताजा अपडेट

धेरै पढिएको