रोल्पामा प्रतिनिधिसभाको एउटा सिटमा महरासहित ६ जना उम्मेदवार सिफारिस

फाइल तस्बिर

भदौ २२, काठमाडौं । नेपाल कम्युनिष्ट पार्टी (माओवादी केन्द्र) ले आगामी मंसिर ४ गते हुने प्रतिनिधिसभा र प्रदेशसभा निर्वाचनका लागि रोल्पाबाट उम्मेदवारको सिफारिस गरिएको छ ।

प्रतिनिधि सभामा प्रत्यक्षतर्फ कृष्ण बहादुर महरा, वर्षमान पुन, जयपुरी घर्ती, ओनसरी घर्ती, कुलप्रसाद केसी र झक्कु सुवेदीको नाम सिफारिस गरिएको छ भने समानुपातिकमा तारा घर्तीको एकल नाम सिफारिस गरिएको छ । राेल्पामा प्रतिनिधि सभाका लागि एक निर्वाचन क्षेत्र मात्रै छ ।

प्रदेशसभातर्फ दुई निर्वाचन क्षेत्रमा प्रदेश सभा (क) प्रत्यक्ष तर्फ ४ जनाको नाम सिफारिस गरेको हो । नाम सिफारिस हुनेमा जोखबहादुर महरा, सुकबहादुर रोका‘शरद’, गुणेन्द्र घर्ती र पूर्ण के.सी. रहेका छन् । यस्तै (क) मा समानुपातिकतर्फ आशबहादुर पुन, मिना खड्का र कुष्मा पुनमगरको नाम सिफारिस भएको छ ।

प्रदेश सभा (ख) प्रत्यक्ष तर्फ कुल प्रसाद केसी, दिपेन्द्र कुमार पुन, निमाकान्त डाँगी, राजबहादुर बुढा र वीरबहादुर खत्री गरी ५ जनाको नाम सिफारिस गरिएको छ । लुम्बिनी प्रदेशका मुख्य मन्त्री केसीकाे नाम संघ र प्रदेशमा सिफारिस भएकाे हाे ।

प्रदेश सभा (ख) को समानुपातिकतर्फ त्रिपनी वैजाली मगर, धनिकला वुढामगर, मानसिंह विश्वकर्मा, हितकुमारी बुुढामगर, लालसरी घर्तीमगर, भाविसरा वन्दीपुरे खड्का, शान्तराज बोहरा, गोविन्द पुन, रामबहादुर वली, भक्ताबहादुर वली र पूर्णबहादुर दमाईको नाम सिफारिस गरेको माओवादी केन्द्र रोल्पाले जनाएको छ ।

२२ भाद्र २०७९, बुधबार को दिन प्रकाशित

प्रतिक्रिया दिनुहोस

ताजा अपडेट

धेरै पढिएको