कात्तिक १०, सल्यान । सल्यानमा जिप दुर्घटना हुँदा १२ जना घाइते भएका छन् ।
जिल्लाको कुमाख गाउँपालिकाको मर्मपरिकाँडाबाट नेपालगन्ज हिडेको भे १ ज ९३० नम्बरको बोलेरो जिप बुधबार बिहान दुर्घटना हुँदा १२ जना घाइते भएका हुन् ।
जिप सल्ली-चौरजहारी सडक खण्डको कुमाख गाउँपालिकाको वडा नम्बर २ धावपानी खोलामा दुर्घटना भएको जिल्ला प्रहरी कार्यालय सल्यानले जनाएको छ ।
दुर्घटना घाईते हुनेमध्य ३ जनाको अवस्था गम्भीर छ भने अन्यको अवस्था सामान्य रहेको जिल्ला प्रहरी कार्यालय सल्यानका प्रवक्ता इनिस्पेक्टर अर्जुन पौडेलले बताए ।
घाइतेहरु उद्धार गरेर उपचारका लागि सल्लीबजार तर्फ पठाइएको छ । आइतबार मात्रै राप्ती राजमार्ग अन्तर्गत कपुरकोटको मुलपानीमा भएको दुर्घटनामा १ जनाको मृत्यु र ७ जना घाइते भएका थिए ।
हेर्नुस् कुमाखमा घाइते हुनेहरुको विवरण
प्रतिक्रिया दिनुहोस