माघ ९, रोल्पा । रोल्पा गंगादेब ३ बडाढुङ्गा घर भएका ४९ बर्षिय शिक्षक महेश कुमार केसीको बिहिबार दुर्घटनामा परि मृत्यु भएको छ । शिक्षक केसी बिद्यालयबाट फर्कदै गर्दा बाटोमा घरायसी काममा संलग्न भएका थिए। सोहि क्रममा उनलाइ माथिबाट लडेको मुढाले च्यापेर मृत्यू भएको थियो । गम्भीर घाइते केसीलाई उद्दारगरि उपचारकोलागि तत्कालै दाङ तुल्सिपुर लगिएको थियो। उपचारको लागि तुल्सिपुर पुर्याइएका केेेेसीलाई बिहिबार राति ९ बजे डाक्टरले मृत घोषणा गरेका थिए ।

शिक्षक महेश कुमार केसी गणेश आधारभूत बिद्यालय बडाढुङ्गाका स्थायी शिक्षक हुन् ।

२०२८ सालमा जन्मेका महेश कुमार केसी इमान्दार कर्मठ र समाजसेवी शिक्षकको रुपमा चिनिन्छन । उनि शिक्षक संघ लुम्बिनि प्रदेश किमिटी सदस्य थिए । केसी नेपाली काँग्रेस आस्थावान शिक्षक हुन् ।

सुक्रबार करिव ४ बजे उनको दाहसंस्कार गरिएको छ । दाहसंस्कारमा नेपाली काँग्रेस गंगादेव गाउँ कमिटीद्वारा मृतक केसीको पार्थिक शरीरमा झण्डा ओढाई एक मिनेट मौनधारण गरेको थियो ।  दाहसंस्कारको क्रममा नेपाली काँग्रेस जिल्ला कमिटी सदस्य तथा गंगादेव गाउँपालीका हरि बहादुर पुन लगाएतका स्थानीय पार्टी कार्यकर्ता र अन्य शुभ चिन्तकहरुको बाक्लो उपस्थिति रहेको थियो ।

उनको निधनले सिंगो गाउँ र बिद्यालय शोकमा डुबेको छ । परिवारजनहरु शोकमा विछिप्त भएका छन् ।

दाहसंस्कार तस्बिरहरु