• सन्दर्भ घायल

खा देश बेचि जनतालाई रुवाएर
खा कति खान्छस खा।
सत्तामा बसेर
अहिले जनतालाई भट्काएर
खा कति खान्छस खा।
तेरो मेरो राज शासन सत्ता
सिमाना बेचि बेचि
खा कति खान्छस खा।
खा सक्दोसँग खा
चुरे बालुवा गिटीहरु
दही दूध सम्झि पानी मिसाएर
खा कति खान्छस खा।

खा दलाल पट्टा डन,
भु माफिया दल बनी ठेक्का र भन्सार
खा कति खान्छस खा।
अन्याय के हो
न्याय के हो नछुट्याएर
खा कति खान्छस खा ।
खा मातृभूमि सुन्दर देश
हिनामिना गरि
खा कति खान्छस खा।
तेरो पावर मेरो पावर भनेर
खा कति खान्छस खा।
देशका कलिला युवायुवती
बिदेश बेचि खा कति खान्छस खा।

तेरो पालो
मेरो पालो भनी
खा कति खान्छस खा।
भाषा संस्कृति,
भेष गौरव जति तोडेर पेलेर
खा कति खान्छस खा।
आफ्ना जाति लडाउँदै
डलरको बिटो चपाएर
खा कति खान्छस खा।
खा बढ्दो छ
दलाल तस्कर सधैँ छोपेर चिम्लेर
खा कति खान्छस खा।

आफ्नो खोपडी
एन्जिओ प्रेसर कुकरमा पकाएर
खा कति खान्छस खा।
खा गरिब निमुखा जनताको
रगत चुसेर खा कति खान्छस खा।
नेपालको छ भुगोल चिरा सरि मुलुक
यो सक्दो चपाएर खा कति खान्छस खा।
ठुलो फौज मिली लिएर
तनखा भत्ता र सत्ता त खा कति खान्छस खा।
यो कस्तो सुरसा सरि मुख भयो
कोचेर च्यातेर खा कति खान्छस खा।

कस्तो आज भइस् तँ
काल महिमा खाई
अघाउन्न खा कति खान्छस खा।
खा आफ्ना घरबार सन्तति
युवा देशै कटाएर खा कति खान्छस खा।
खा उद्योग सबै उठाइ
महँगो राजस्व भारी छ खा कति खान्छस खा।
खा बारी, बन खेत बोट बिरुवा
खेती नराखी त खा कति खान्छस खा।
बच्चा माकुरीको भइस् सलह झैँ
नेपाल आमा समातेर बेचेर
खा कति खान्छस खा।