बैशाख २२, प्युठान । प्युठान नगरपालिका -८ दम्तीमा जीप दुर्घटना हुँदा १ जनाको मृत्यु भएको छ । दुर्घटनामा २ जना घाइते भएका छन् ।

खाद्यान्न पुर्याएर बहाने बजारबाट बाग्दुलातर्फ आउँदै गरेको लु. २ च ६७८१ नम्बरको उक्त जीप मंगलबार बेलुकी अन्दाजी साढे ६ बजेको समयमा दुर्घटनामा परेको थियो ।

जीप दुर्घटनामा प्युठान नगरपालिका -८ बाग्दुला बस्ने २१ बर्षीया समर कुँवरको घटनास्थलमै मृत्यु भएको र अन्य २ जना घाइते भएको जिल्ला प्रहरी कार्यालय प्युठानका प्रहरी निरिक्षक देवी प्रसाद गैरेले जानकारी दिए ।

उनका अनुसार दुर्घटनाग्रस्त जीपका चालक गौमुखी-४ पुजाका २३ बर्षीया लोकेन्द्र केसि र गौमुखी -१ अर्खाका १७ बर्षीया कृष्ण सुनार घाईते भएका छन।

उनिहरुको प्युठान जिल्ला अस्पताल बिजुवारमा उपचार भईरहेको छ। दुर्घटनाको कारण खुलेको छैन। घटनाबारे आवास्यक अनुसन्धान भईरहेको प्रहरीले बताएको छ।