पुस १६, दाङ । दाङमा भएका छुट्टाछुट्टै सवारी दुर्घटनामा परि ४ जना घाइते भएका छन् ।

तुलसीपुरमा ट्याक्टरले ठक्कर दिदा २ पैदलयात्री घाइते भएकी छन् । घाइते हुनेमा तुलसीपुर उपमहानगरपालिका वडा नम्बर १० राइखलियान निवासी वर्ष ४० की सरिता चौधरि र सोहि ठाँउ बस्ने वर्ष २६ की प्रतीमा गिरी रहेको ईलाका प्रहरी कार्यालय तुलसीपुरले जानकारि दिएको छ ।

एरपोटबाट तुलसीपुर तर्फ आउदै गरेको लु २ प २५३३ नम्बरको ट्याक्टरले वडा नम्बर ६ लक्ष्मी नारायण मन्दिर स्थीत बिहिबार दिउँसो २ बजेको समयमा ठक्कर दिएको बताइएको छ । घाइते दुवैको राप्ती प्रादेशिक अस्पताल तुलसीपुरमा उपचार भईरहेको प्रहरीले बताएको छ ।

यस्तै तुलसीपुरबाट गोलौरा तर्फ जादै गरेको रा २ प ११४० नम्बरको मोटरसाइकल र विपरित दिशाबाट आउदै गरेको रा ४ प ५०३६ नम्बरको मोटरसाइकल एक आपसमा ठोकिदा २ जना घाइते भएका छन् ।

घाइते हुनेमा भारत घर भई हाल तुलसीपुर बस्दै आएका रा २ प ११४० नम्बरका मोटरसाइकल चालक वर्ष २३ का रियाद अन्सारी र रा ४ प ५०३६ नम्बरका मोटरसाइकल चालक वडा नम्बर १० बन्गै बस्ने वर्ष २१ का असोक चौधरि रहेको प्रहरीले बताएको छ ।

घाइते दुवैको राप्ती प्रादेशिक अस्पताल तुलसीपुरमा सामान्य उपचार पछि थप उपचारका लागि अन्सारीलाई नेपालगन्ज र चौधरीलाई सिटी हस्पीटलमा रिफर गरिएको ईलाका प्रहरी कार्यालय तुलसीपुरले बताएको छ । घटनाबारे थप अनुसन्धान भईरहेको प्रहरीले बताएको छ ।