नेकपा नेतृ शाक्यको प्रश्न- नक्साको केक बनाएर काट्ने पार्ने संस्कार कहाँबाट आयो ?


फागुन काठमाडौं । सत्तारुढ दल नेपाल कम्युनिस्ट पार्टी (नेकपा)की बागमती प्रदेश इन्चार्ज अष्टलक्ष्मी शाक्यले जन्मदिनमा केक नकाट्न नेता कार्यकर्तालाई आग्रह गरेकी छन् ।

नेकपाका अध्यक्ष केपी ओ‌ली र पुष्पकमल दाहालसहितका नेताहरु उपस्थित रहेको नेकपाको प्रदेश स्तरीय प्रशिक्षण कार्यक्रममा इन्चार्ज शाक्यले केक काट्ने संस्कृति नेपालीको नभएको बताइन् ।

उनले प्रश्न गरिन् ‘नेपालको नक्साको केक बनाएर चिरा पार्ने संस्कार कहाँबाट आयो ?’

केही दिनअघि प्रधानमन्त्री केपी शर्मा ओलीले आफ्नो जन्मदिनको अवसरमा तेह्रथुम पुगेर नेपाली नक्शा आकारको केक काटेका थिए । प्रधानमन्त्रीले नेपाली नक्शा आकारको केट काटेको भन्दै चर्को आलोचना भएको थियौं ।

उक्त प्रकरणप्रति लक्षित गर्दै शाक्यले कम्युनिस्ट पार्टीका नेता कार्यकतामा सामन्ती संस्कार देखिनु चिन्ताजनक भएको बताइन् ।

२०७६ फाल्गुन १५,बिहीबार को दिन प्रकाशित

प्रतिक्रिया दिनुहोस

ताजा अपडेट

धेरै पढिएको