कांग्रेस नेताले लिए अभिभावक गुमाएका ८ बालिकाको शिक्षाको जिम्मा


भदौ १०, काठमाडौँ । पूर्वमन्त्री एवं नेपाली कांग्रेसका नेता मोहनबहादुर बस्नेतले सिन्धुपाल्चोकको पहिरोमा परि अभिभावक गुमाएका आठ बालिकको शिक्षाको जिम्मा लिने घोषणा गरेका छन्।

वस्नेतले जुगल गाउँपालिकाको लिदी पहिरोमा परि अभिभावक गुमाउने ७ जना बालिका र बाह्रविसे पहिरोका एक जना बालिका गरि आठजनालाइ निशुल्क कक्षा १२ सम्म होस्टेलमा राखेर पढाउने प्रतिबद्धता जनाएका हुन्।

बस्नेतले यसअघि कोरोनाको कारण पहिलो मृत्यु हुने महिलाको एक जना बच्चालाइ पोषण स्वरुप १ लाख र १२ कक्षासम्म निशुल्क अध्ययन गर्ने गराउने बताएका थिए।

बुबा खड्गबहादुर बस्नेतको कोरोनाको कारण भएको मृत्युकार्य सकेको केही दिनमै उनले निशुल्क पठाउने प्रतिबद्धता जनाएका हुन्।

१० भाद्र २०७७, बुधबार को दिन प्रकाशित

प्रतिक्रिया दिनुहोस

ताजा अपडेट

धेरै पढिएको