माघ १, काठमाडौं । ललिता निवासको जग्गा हिनामिना प्रकरणमा मुछिएका शोभाकान्त ढकालको घरमा बम विस्फोट भएको छ ।
ढकालको सानो भर्याङस्थित घरमा बुधबार साँझ बम विस्फोट भएको प्रहरीले जानकारी दिएको छ ।
महानगरीय प्रहरी परिसर काठमाडौंका डिएसपी होबिन्द्र बोगटीलेका अनुसार विस्फोटबाट ढकालको घरको पार्किङमा राखिएको कार र गेटमा क्षति पुगेको छ । घरको गेटभित्र भएको विस्फोटका कारण घरका शिशा र गाडीमा क्षति पुगेको प्रहरीले जनाएको छ ।
बिस्फाेटमा कुनै मानवीय क्षति नभएकाे प्रहरीले जनाएकाे छ । बम विस्फोट किन र कसले गराएको भन्नेबारे केही नखुलेको प्रहरीले जनाएको छ । घटनाको थप विवरण आउन बाँकी छ ।
प्रतिक्रिया दिनुहोस