बैशाख ०१, दाङ । विश्वभर कोरोना भाईरसको प्रभाव अझै गतिशील छ । विश्वभर कोभिडबाट मृत्यु हुनेहरुको संख्या हालसम्म १ लाख १४ हजार बढी पुगिसकेको छ ।

नेपालमा पनि पछिल्लो समय ४ जना कोरोना संक्रमित थप भए संगै १३ जना संक्रमित भेटिएका छन् तर र्यापिड टेस्टमा कोरोना पोजेटिभ देखिएकी महिलाको स्वाव पुन: परिक्षणका लागि पोखरा पठाएको बताइएको छ । जसमध्ये एक जना सन्चो भैसकेका छन् भने अरुको अबस्था सामान्य रहेको छ । नेपालमा अहिले सम्म कोरोनाद्वारा मृत्यु हुनेहरुको संख्या शुन्य छ ।

यसरी देशले लकडाउन भोगेको आज २१औं दिन पुग्यो । पुर्व पश्चिम राजमार्गमा लकडाउन कसरि पालना भैरहेको छ भन्ने बारे लकडाउनको २०औं दिनको यो रिपोर्ट तयार पारेका छौ ।

नवलपरासी बर्दघाट

यतिखेर केन्द्रिय सत्ताको निर्देशनमा स्थानीयतहहरु कोरोना बिरुद्द लकडाउनलाई पालना गर्न/गराउन कडाई गरिएको छ । पुर्व-पश्चिम राजमार्गको विभिन्न नाकाहरुमा सुरक्षाकर्मी र स्वास्थ्यकर्मीको टोली खटाइएको छ ।

एक स्थानीय तहबाट अर्को तहमा आवतजावत गर्ने सिमाक्षेत्रमा जरो नाप्नको लागि थर्मोगण सहित हेल्प डेस्कहरु खडा गरिएका छन् । बिशेषगरि कोरोना प्रभावित क्षेत्रबाट आउने वा लामो दुरीबाट आउने यात्रुलाई कडाईक साथ निगरानी गरिएको छ ।

उनीहरुको तापक्रम उच्च देखिए क्वारेन्टाइनमा राख्ने ब्यबस्था समेत गरिएको छ ।

पुर्व-पश्चिम राजमार्गको मुख्य नाकामध्ये नारायणघाटमा सुरक्षा कर्मीको बिशेष निगरानी रहेको छ । पास बिनाका यात्रुहरुलाई आवात-जावत पूर्ण निषेध गरिएको छ ।

बुटवल

दाउन्नेमा पुलिस र शसस्त्रको टोलीले बिशेष निगरानी बढाएको छ । यात्रुहरुलाई होटेलमा बस्न खान निषेध गरिएको छ ।

चितवन र बर्दघाटमा तापक्रम मापन गर्न हेल्प डेस्कहरु राखिएको छ । उक्त क्षेत्रमा आवतजावत गर्ने व्यक्तिहरुलाई थर्मोगणद्वारा चेकिङ हुनेगरेको छ । नवलपरासीको बर्दघाटमा सशस्त्र प्रहरीबल नेपाल सिमा सुरक्षा तालिम शिक्षालयले हेल्प डेस्क खडा गरेको छ ।

बुटवलमा कोरोना बिशेष अस्थायी अस्पताल निर्माण गरिएको छ । बुटवल उपमहानगरपालिका र लुम्बिनी प्रादेशिक अस्पतालको सहकार्यमा उक्त अस्थायी अस्पताल निर्माण भएको हो ।

अन्यक्षेत्र भन्दा नारायणघाट र बुटवलमा भने मान्छेहरुको चलहल अलि बढी देखिन्छ ।

लमही नगरपालिका स्वास्थ्य शाखा द्वारा दाङको लमही बसपार्क साइटमा हेल्प डेस्क राखिएको छ ।

यसैगरी घोराही उपमहानगर पालिकाको समन्वयमा हेल्प डेस्क खडा गरिएको छ भने क्वारेन्टाइनको ब्यबस्था पनि गरिएको छ । उक्त हेल्प डेस्क र क्वारेन्टाइन घोराही प्रवेशद्वारमा खडा गरिएको छ । अहिले ८ जनालाई क्वारेन्टाइनमा राखिएको एक स्वास्थ्य कर्मीले बताए ।

तस्बिर: केबी गुरुङ/गोपाल चन्द, पोष्टपाटी