दाङमा कोरना कहरसंगै घरमै रहेर रोजगारी खोज्ने क्रम बढ्यो

स्थानीय सरकारको कोभिड लक्षित कार्यक्रम


भदौ २३, देउखुरी । कोरना कहर सहदै नागरिकले अनेक जुक्ति र सोच सुरु गरेको पाईएको छ ।

कोरोना संक्रमणको डरले सबै जसो घरमै बसीरहदा अव के गर्ने भन्ने सोचका साथ राप्ती गाउँपालिकामा धेरैले नयाँ कामको सुरुवात गरेको पाईएको छ । कोरना कहर संगै घरमै रहेर रोजगार खोज्ने क्रम वढे संगै कृषि ब्यवसायमा चासो बढेको पाईएको छ ।

आफ्नै जग्गाको सदुपयोग गर्दै हो वा भाडामा लिएर तरकारी खेतिको सुरुवात, पशु पंक्षि मंत्स्य, माहुरी पालन, फलफुल खेति तथा ब्यापार तथा उद्योग सुरु गरेको पाईएको छ ।

कोरोना संक्रमणको कारणले धेरै जना विदेशबाट घर फर्किएर स्वदेशमै केहि गरौ भन्ने अभिप्रायले विभिन्न पेश सुरु गरेको पाईएको छ ।
छोट्की सिसहनियाका खेमराज खड्काले भारतको दिल्लीबाट आएर कुखुरा पालन गर्दै छन् ।

अनील चौधरीले कतारबाट आएर घर निर्माण सम्वन्धि परामर्श तथा निर्माण एजेन्सी खोलेर घर निर्माण कार्य थालेका छन् । यस्तै सुर्य नारायण चौधरीले बाख्रा पालन सुरु गरेका छन् भने तुला गिरीले मसुरीयामा हार्डबेयर पसल सुरु गरेका छन् ।

यी त उदाहरण मात्रै हुन, विगतमा ब्यापार र उद्योग सञ्चालन गर्दै आएकाहरुले समेत नयाँ काम सोचिरहेको अवस्थामा पनि विदेशवाट घर फर्किएकाहरुले तरकारी खेती, पशु पंक्षि मंत्स्य, माहुरी पालन, ब्यापार तथा उद्योग सुरु गरेको पाईएको छ ।

विगतमा भुमिगत राजनिति गरि शान्ति स्थापना पश्चात ओमन गएका राप्ती गाउँपालिका वडा नम्बर ३ मसुरियाका तुला गिरिले मसुरीया बागढड्डीमा हार्डवेयर्स पसल सुरु गरेका छन् ।

११ बर्ष वैदेशिक रोजगारमा रहेका गिरी कोरना संकटका कारण स्वदेशमै रहेर काम गर्नका लागि घर परिवारको सहयोग र समुहबाट रकमको जोहो गरि पसल सुरु गरेका हुन् ।

विदेशमा बस्दा समाजको सेवा गर्न नपाएका गिरीले अव आफ्नो ब्यवसाय मार्फत निर्माण सम्बन्धी सम्पुर्ण सामानहरु सुपथ मुल्यमा दिई स्थानियको सेवामा लाग्ने बताएका छन् ।

स्थानीय सरकारको कोभिड लक्षित कार्यक्रम

राप्ती गाउँपालिकाले राप्ती क्षेत्रका १ सय ३० जनालाई विभिन्न ब्यवसाय सञ्चालन, ब्यवस्थापन तथा प्रोत्साहन वापत अनुदान सहयोग गरेको छ ।

नेपाल सरकार, प्रदेश सरकारको सहयोगमा राप्ती गाउँपालिका कृषि शाखाले वडा कार्यालयको सिफारीसमा कोभिडबाट प्रभावित बैदेशीक रोजगारी गुमाएका वा यस क्षेत्रमा रहेर कृषि ब्यवसाय, बाख्रा पालन, कुखुरा पालन तथा फलफुल खेति गरेका प्रोत्साहन स्वरुप अनुदान उपलब्ध गराएको प्राविधिक सहायक बरसाति गडरीयाले जानकारी दिए ।

नेपाल सरकार, प्रदेश सरकार र स्थानिय सरकारको पहलमा घर आएका परदेसीलाई राजगारीको अनुभुति गराउने उदेश्यका साथ १ सय तिस जनालाई अनुदान उपलब्ध गराईएको हो ।

प्रति कृषक २० हजारका दरले अनुदान प्राप्त गरेपछि थप उत्साहका साथ धेरैले ब्यवसाय बृद्धि भएको प्राविधिक सहायक सिमा भट्टले जानकारी दिईन ।

२०७७ भाद्र २३,मंगलवार को दिन प्रकाशित

प्रतिक्रिया दिनुहोस

ताजा अपडेट

धेरै पढिएको