सरिता गिरीलाई कारबाही गर्न कार्यदलको सिफारिस


असार २३, काठमाडौं । सांसद तथा समाजवादी पार्टीकी नेतृ सरिता गिरीलाई कारबाही गर्न पार्टीको कार्यदलले सिफारिस गरेको छ । गिरीको गतिविधिबारे छानविन गर्न समाजवादी पार्टीले बनाएको तीन सदस्यीय कार्यदलले उनलाई कारबाही गर्न सिफारिस गरेको स्रोतले बतायो । त्यसअनुसार पार्टीले निर्णय गरेमा गिरीको सांसद पद कायम रहने छैन ।

लिम्पियाधुरा, कालापानी र लिपुलेक क्षेत्र समेटिएको नयाँ नक्साअनुसार निशान छाप परिर्वतन गर्न सरकारले ल्याएको संविधान संशोधन विधेयकमा गिरीले संशोधन प्रस्ताव दर्ता गराएकी थिइन् । उनले नेपालको दावी नपुग्ने भन्ने आशयको संशोधन प्रस्ताव दर्ता गराएकी थिइन् ।

पार्टीले उक्त प्रस्ताव फिर्ता लिन र विधेयकको पक्षमा मतदान गर्न निर्देशन दिए पनि उनले मानिनन् र नक्सासम्बन्धी संविधान संशोधनको प्रस्ताव पारित हुने दिन सं‌सदमा अनुपस्थित भइन् ।

२०७७ असार २३,मंगलवार को दिन प्रकाशित

प्रतिक्रिया दिनुहोस

ताजा अपडेट

धेरै पढिएको