गौरिफन्डामा मजदुरहरु थुनिए
कोरोना थुनिएन
सिंहदरबार भित्र

भ्रस्टाचारिहरुलाई थम- थमयाइयो
भाइरस थामिएन

मनपर्दी बिधेयकहरु पास गर्न पाइयोस
कानुनहरु आफुखुसी सच्याउन पाइयोस
ठुला ठुला टेण्डरहरु सुटुक्क दिन पाइयोस

जनताका आलोचना देखि आजित थिये शासकहरु
भाइरसले कर्फ्यु लगाएको छ संसारभर
हाइसन्चो भएको हुँदो हो।

रातो रंग त धेरै पहिल्यै देखि लक डाउनमा थियो
रातामान्छेहरु माथी सधैं कर्फ्यु आदेश थियो

सरकार बिरोधी माथी सधैं सङकटकाल थियो
भ्रष्टाचार बिरोधिहरु माथी सधैं भाटा थियो।

लय उहि हो
कारण फरक छ
रातामान्छेहरु दलाल सत्ताको बिरोधी थिए

तर भाइरस आम मानव जगतको बिरोधी छ
रातामान्छेहरु माक्सबादका हतियार हुन
भाइरसहरु पुजिबादका हतियार हुन
फरक यत्ती हो

भोकाहरुले रोटि माग्दा
उत्पीडितहरुले न्याय माग्दा
कबिहरुले कबिता लेख्दा

पत्रकारहरुले समाचार लेख्दा
कलाकारहरुले गाउदा- नाच्दा
सधै लुकेर हिड्नु पर्थ्यो

माफियाहरु खुलेआम घुम्थे
आज कोरोना भ्रस्टाचारि झैं हिडेको छ
छाती फुलाएर ।

आउ लडौं सम्पुर्ण मानव जगत
कोभिड उन्नाइका विरुद्ध सगैं

सामाजिक भाइरसहरु पनि हटाउन
एक हातमा औसधि
अर्को हातमा बन्दुक लिउ ।

बि पि बिद्रोही २०७६/१२/२२