काश्‍मीरमा शक्तिशाली भूकम्पको झट्का, ५ को मृत्यु [फोटोफिचर]


असोज ७, काठमाडौँ । पाकिस्तानको क्षेत्र काश्‍मीरमा शक्तिशाली भूकम्प जाँदा पाँच जनाको मृत्यु भएको छ भने ७६ जना घाइते भएका छन्।

पाकिस्ताको राजधानी इस्लामाबादबाट १३४ किलोमिटरको दूरीमा पाकिस्तान अधिकृत क्षेत्र काश्मीरको मीरपुर केन्द्रविन्दु भएको ६.३ म्‍याग्निच्यूडको भूकम्प गएको भारतीय तथा पाकिस्तानी सञ्‍चारमाध्‍यमहरुले जनाएका छन्।

रिपोर्टका अनुसार भूकम्पको केन्द्र ४० किलोमिटरको गहिराइमा रहेको छ भने दिउँसो ३ बजेको समयमा भूकम्पको पहिलो धक्का महसुस गरिएको थियो।

भकम्पले मीरपुरबो सडक चीराचिरा परेको छ भने सवारी साधन गुडिरहेकै अवस्थामा रोकिनु परेको छ। त्यहाँका स्थानीयहरुले सामाजिक सञ्‍जालमा भूकम्पले भत्काएको सडक र घरहरुको तस्बिर सामाजिक सञ्जाल ट्विटरमा पोस्ट गरिरहेका छन्।

यस्तै भूकम्पमा घाइते भएकाहरुलाई अस्पतालमा भर्ना गरिएको छ । मर्नेको संख्या बढ्‍न सक्‍ने बताइएको छ । पाकिस्तान सरकारले भूकम्पबाट क्षतिग्रस्त क्षेत्र मीरपुरमा तत्काल सेना परिचालन गरेको छ ।

मीरपुरका डेपुटी कमीश्‍नर राजा केसरले भनेका छन्, ‘ भूकम्पबाट धेरैजना घाइते भएका छन् ।उनीहरुको अवस्था निक्‍कै नाजुक छ । एनडीएमए तथा पीडीएमएले उद्दारको काम सुरु गरिसेका छन् ।’ यस्तै भूकम्पबाट भएको क्षतिको विवरण र सूचना संकलन सुरु गरिएको छ।

७ आश्विन २०७६, मंगलवार को दिन प्रकाशित

प्रतिक्रिया दिनुहोस

ताजा अपडेट

धेरै पढिएको