प्रचण्ड पुत्री रेणु दाहालले रबि लामिछानेलाइ पागल भनेपछि…!


चैत्र २, काठमाडौं। प्रचण्ड पुत्री तथा मेयर रेणु दाहालले पत्रकार रवि लामिछानेलाई ‘पागल’ को संज्ञा दिएकी छन् । नेकपाका पूर्व विद्यार्थी नेता हिमाल शर्माले पत्रकार रवि लामिछानेले प्रचण्ड प्रवृत्ति भन्दै दिएको कडा अभिव्यक्तिका बारेमा प्रश्न गर्दै स्टाटस लेखेपछि उनको स्टाटसको कमेन्ट बक्समा पागल भएको बताएकी छन् ।

शर्माले लेखेका छन्, ‘प्रवृतिलाई हो भन्दै नितान्त व्यक्तिमाथि खनिनुलाई कस्तो प्रवृत्ति भन्छन् ? लामिछाने ज्यू !’ स्टाटसको कमेन्ट बक्समा रेणुले लेखेकी छन्, ‘पागलपन भन्छन दाइ’ ।

पूर्व सहकर्मी नेत्र विक्रम चन्दले आफूलाई पहिलो नम्बरमा मार्ने माइन्यूट तयार गरेको कुरा सरकार मार्फत प्रचण्डले सार्वजनिक गरेका थिए । यसबारे पत्रकार लामिछानेले कार्यक्रम सिधा कुरा जनतासँगमा खरो टिप्पणी गर्दै भनेका थिए, ‘वाह कमरेड ! जनताका छोरा मरेकोमा पीर परेन तर आफूलाई मार्छु भन्दा बल्ल विप्लव माथि प्रतिबन्ध ?’ जनताको ज्यान असुरक्षित हुँदासम्म मतलव भएन तर आफूलाई मार्ने हो भनेपछि विप्लवमाथि प्रतिबन्ध भन्दै उनले प्रश्न उठाएका थिए ।

विप्लवको राजनीतिक विचारमाथि प्रतिबन्ध लगाउँदा राजनीतिज्ञलाई नभएर आम जनतालाई थप खतरा रहेको लामिछानेको आशय थियो । उनले थपे, ‘तपाईंसँगै देश बदल्न हिँडेका सबैको जीवन बदलिए तर जनताको अवस्था उस्तै । राजा फालेर जन्मिएका कयौं छोटे राजाहरुको विरोधमा विप्लवले मात्रै होइन सबैले विरोध गर्नै पर्छ, विप्लव प्रवृत्तिको समर्थन कुनै पनि कोणबाट होइन बरु प्रचण्ड प्रवृत्तिको विरोध हरेक कोणबाट गर्नुपर्छ ।’लामिछानेको यही टिप्पणीलाई प्रचण्ड पुत्री रेणु दाहालले ‘पागलपन’ भनेकी हुन् ।

सैद्धान्तिक रुपमा तपाईहरुको मात्र प्रगति भएको तर जनताको जीवन ५२ साल तिरकै जस्तो भएको कारणले प्रवृतिगत राजाहरु फाल्ने बिप्लवहरुको सिद्धान्तमा बन्देज लगाउन नहुने धाराणा राख्दै, रबि लामिछानेले भनेका थिए, ‘तपाई र तपाइहरुका लागि यो ५२ साल होइन किनकी तपाईसँगै देश बदल्न हिडेकाहरु सबको जीवन बदलिसक्यो । तपाइको नातागोताको त हिसाब गरेकै छैन । आँफु भैसकेको र फेरी हुनेवाला प्रधानमन्त्री, छोरी मेयर, बुहारी मन्त्री अरु नातागोताका ग्यास–स्यास के–के विजनेश, बिरामी पर्दा विदेशी अस्पतालमा उपचार । तपाईलाई त यो ५२ साल लाग्दै लाग्दैन नि ।’

२ चैत्र २०७५, शनिबार को दिन प्रकाशित

प्रतिक्रिया दिनुहोस

ताजा अपडेट

धेरै पढिएको