चौरजहारी नगर प्रमुखद्वारा तीन महिनाको तलब भवन निमार्णका लागि दिने घोषणा


ज्ञानु गौतम/फागुन ३, रुकुम । चौरजहारी नगरपालिकाका नगर प्रमुख बिशाल शर्माले नेपाल रेडक्रस सोसाईटी उपशाखा चौरजहारीको भवन निर्माणको लागी आफुले पाउने सेवा सुबिधाको तिन महिनाको तलब दिने घोषणा गर्नुभएको छ ।

संस्थाको चौधौँ बार्षिक साधारण सभाको उद्घाटन गर्दै नगर प्रमुख शर्माले मासिक ३४ हजारका दरले आफुले पाउदै आएको तिन महिनाको १ लाख दुई हजार रकम उपलब्ध गराउने बताउनु भयो ।

उहाँले भन्नु भयो “एकले थुकि सुकि सयले थुकि नदि त्यसकारण सबैले जति सकिन्छ त्यति सहयोग गरौ” कार्यक्रम रेडक्रस उपशाखा चौरजहारी सभापति तेज बहादुर बटालाको अध्यक्षता तथा नगर प्रमुख शर्माको प्रमुख आथित्यता र रेडक्रस जिल्ला सभापति शिबराम खत्रिको बिशेष आथित्यतामा सम्पन्न भएको थियो ।

कार्यक्रममा बोल्ने अधिकांशले मानविय आपत विपद् लगायतका अन्य दुःखको बेला रेडक्रस देखा पर्ने भन्दै प्रत्येक सामुदायसँग प्रत्यक्ष पहुँच भएको संस्था रेडक्रस भएको बताएका थिए ।

कार्यक्रमा जिल्ला रेडक्रस सदस्य यदु आर्चालेले रेडक्रसले गरेको काम र रेडक्रसका बारेका प्रकाश पार्नु भएको थियो कार्यक्रमको सञ्चालन सचिब बसन्त भण्डारीले गर्नुभएको थियो ।

२०७५ फाल्गुन ३,शुक्रबार को दिन प्रकाशित

प्रतिक्रिया दिनुहोस

ताजा अपडेट

धेरै पढिएको