पुस २६, काठमाडौं । पत्रकार गणेश बिकलाई शुक्रबार सर्बोच्च अदालतमा पक्राउ गर्नुको कारणसहित उपस्थित गराउन सर्वोच्च अदालतले आदेश दिएको छ ।
महान्यायाधिवक्ताको कार्यलयमार्फत पक्राउ गर्नुको लिखित जवाफ र बन्दीसहित उपस्तिथि गराउन न्यायाधीश प्रकाशमान सिंह राउतको एकल इजलासबाट गृहमन्त्रालय लगायत विपक्षिहरुको नाममा आदेश जारी गरेको हो ।
पत्रकार जितेन्द्र महर्जनले पुस २४ गते दायर गर्नुभएको बन्दी प्रत्यक्षीकरणकाे रिटमाथिकाे बहसपछि यस्तो आदेश आएको हो ।
बहसमा रिट निवेदनकाे पक्षबाट वरिष्ठ अधिवक्ता एकराज भण्डारी र अधिवक्ता कपिल चन्द्र पोख्रेलले बहस पैरवी गरेका थिए ।
पत्रकार विकलाई पुस १९ गते बझाङ सदरमुकाम चैनपुरबाट पक्राउ गरि साइबर क्राइमको अभियोग लगाइ २१ गतेदेखि काठमाडौंको टेकु हिरासतमा राखिएको छ।
प्रतिक्रिया दिनुहोस