फागुन २२, सल्यान । काठमाडौंबाट रुकुमतर्फ जाँदै गरेको रात्री बस सल्यानमा दुर्घटना हुँदा १५ जना घाइते भएका छन् ।
बुधबार बिहान ९ बजेतिर सल्यानको शारदा नगरपालिका १ चैबाङ जिउलामा बा ४ प ५३६४ नम्बरको बस पल्टिएको हो । दुर्घटनामा घाइते मध्ये १ गम्भीर रहेको प्रहरीले बताएको छ ।
घाइतेहरुको अहिले श्रीनगरमा रहेको कान्तिपुर अस्पतालमा उपचार भैरहेको छ । गाडी सडकदेखि करिव १० मिटर तल खसेको छ ।
तस्बिर: आशिष केसी
प्रतिक्रिया दिनुहोस