खराब टिप्पणी गरेको भन्दै रियलद्वारा प्रशिक्षक बर्खास्त


एजेन्सी – स्पेनिस क्लब रियल म्याड्रिडले आफ्ना युथ प्रशिक्षक अल्भेरो बेनिटोलाई शुक्रबार बर्खास्त गरेको छ । बेनिटो यू-१९ टोलीका प्रशिक्षक रहेका थिए ।

रियलले कोपा डेल रे अन्तगतको दोस्रो लेगपछि क्यासमिरो र टोनी क्रुसमाथि गलत टिप्पणी गरेको भन्दै युथ प्रशिक्षकलाई बेनिटोलाई बर्खास्त गरेको हो । कोपा डेल रेको दोस्रो लेगमा रियल घरेलु मैदानमा बार्सिलोनासँग ३–० ले पराजित भएको थियो । रिलय समग्रमा ४–१ ले पराजित हुदै फाइनल पुग्नबाट वञ्चित बनेको थियो । यससँगै बेनिटोले एक रेडियोसँगको अन्र्तवार्तामा क्यासमिरो र टोनी क्रुसबारे गलत टिप्पणी गरेका थिए ।

बेनिटोले युरोपियन च्याम्पियन जस्तो टिम रियल मड्रिडमा समस्या त्यहाँ छ । जहाँ क्यासमिरो र क्रुसले आफ्नो स्तरभन्दा धेरै टाढा खेलिरहेका छन् भन्दै रेडियोमा अन्तरवार्ता दिएका थिए । ‘म क्यासमिरोको बारेमा कुरा गरिरहेको छु । यस समय रियल म्याड्रिडको लागि एक मिनेट पनि खेल्न पर्याप्त छैन । जब टोनी क्रुस आफ्नो गतिमा खेल्छ त्यतिबेला उत्कृष्ट देखिन्छ । तर, अहिले त्यस्तो देखिएको छैन ।’

रियलले बर्खास्त गरेको निर्णयसँगै बेनिटोले आफु यसलाई सहर्ष स्वीकार्ने बताएका छन् । बेनिटो २०१५ देखि रियल म्याड्रिडको यु–१८ टिमका प्रशिक्षक थिए । बेनिटोले सात वर्ष रियलमै खेलेका थिए । उनले २६ वर्षको उमेरमै खेल जीवनबाट सन्यास लिदै प्रशिक्षणतर्फ लागेका थिए । उनको स्थानमा रियलले रियलका पूर्व कप्तान राउल गोन्जालेजलाई नियुक्त गरिसकेको छ ।

२०७५ फाल्गुन १८,शनिबार को दिन प्रकाशित

प्रतिक्रिया दिनुहोस

ताजा अपडेट

धेरै पढिएको