नेपाली जनप्रगतिशील मोर्चा मलेसियाद्धारा अलपत्र मजदुरको उद्धार


प्रेम घर्ती मगर/ माघ १९, मलेसिया । बेरोजगार समस्याले प्रताडित भएर जीवन निर्वाह गर्न अमुल्य श्रम, सस्तो मुल्यमा विदेशीलाई बेच्नुपर्ने बाध्यता नेपालीका लागि नौलो भने होइन। यस्तै बाध्यताको शिकार भए शारदा नगरपालिका -४ सल्यानका लुट बहादुर थापा ।

देशमै रोजगारीका लागि धेरै ठाउँ नधाएका पनि होइनन् उनि !  तर नाताबाद, कृपाबाद तथा सामदाम दण्डभेदले मात्रै जागिर हासिल गर्न सकिने हाम्रो देशमा थापाले स्वदेशमै जागीर पाउने कुरा आकाशको फल बन्यो । पारिवारिक जिम्मेवारी र आर्थिक संकटले जेलिएका थापा विदेश पैसा कमाउन जाने निर्णयमा पुगे।

सामाकोशी-३ काठमाडौंमा अवस्थित बिएस ओभर्सिस प्राइभेट म्यानपावरद्धारा २९ जनवरी २०१७ मा एक्सपोएम सेक्युरिटी सर्भिस मलेसियाका लागि उडेका थिए ।

पहिलो वर्ष जसोतसो रामै काम गरे । दोस्रो वर्षको भिसा अनुमतिका लागि उनको स्वास्थ्य जाँच भयो । मेडिकल ल्याबले अनफिट देखाएको रहेछ तर उक्त कुरा लुट बहादुरलाइ जानकारी नगराई कम्पनीले लगातार काम गराइरहयो ।

जब १ वर्ष ८ महिना पछि विरामी हुदा उपचारका लागि निवेदन गर्दा मात्रै मेडिकल अनफिट भएको भन्दै बाहिर लैजान नमिल्ने कम्पनि म्यानेजरले जवाफ दिए । यदि उपचार नगर्ने हो भने नेपाल फर्काउन प्रस्ताव गर्दा उल्टै घर जाने भए ५ हजार रिङगेट (नेपाली सवा लाख) तिरेर जा भन्दै धम्कीपूर्ण चेतावनी दिएपछि लुट बहादुरले नेपाली जनप्रगतिशील मोर्चा मलेसियालाई जानकारी गराए ।

जानकारी पाए लगत्तै मोर्चाका अध्यक्ष विस्फोट मगरले मलेसिया स्थित नेपाली राजदुतावास संग समन्वयनगरि २२ जनवरी २०१९ तारिखका दिन लुट बहादुर थापालाई नेपाल फर्काएका छन् ।

लाखौं नेपालीका लागि रोजगारीको आकर्षक गन्तव्य बनेको मलेसिया लुट बहादुरको लागि अभिसाप बन्यो। नत स्वस्थ शरीर फर्काए, नत पैसा कमाए ।

पिडित लुट बहादुर भन्छन्, ‘यो कम्पनीले मलाई जस्तै अवैधानिक बनाएर कयौं नेपालीको श्रम शोषण र जीवन बर्बाद गरिरहेको छ। पटकपटक मानसिक तथा शारीरिक यातना समेत दिइरहन्छ। फर्किदा राहदानी समेत फिर्ता दिएको छैन ट्राभल कागजपत्रकै आधारमा नेपाल फर्किएको छु। त्यसकारण कसैको प्रलोभनमा परि भुलेर पनि सामाकोशी-३ काठमाडौंको बिएस ओभर्सिस प्राइभेट म्यानपावर (B.S. overseas P. Ltd.) मार्फत मलेसियाको एक्सपोएम सेक्युरिटी सर्भिस (Expoam security services snd.bhd.) कम्पनीमा नजानु हुन अनुरोध गर्दछु।’

 

२०७५ माघ १९,शनिबार को दिन प्रकाशित

प्रतिक्रिया दिनुहोस

ताजा अपडेट

धेरै पढिएको