कात्तिक १३, कंचनपुर । संसदीय व्यवस्थाको अन्त गर्दै वैज्ञानिक राज्य सत्ताको स्थापनाका लागि संघर्षरत नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीले कन्चनपुर जिल्लामा संगठन विस्तार र धुर्विकरण अभियान व्यापक रुपमा संचालन गरीरहेको छ ।

संगठन विस्तार र क्रान्तिकारी राजनैतीक धुर्विकरण कार्यक्रम अन्तर्गत कन्चनपुरको वेल्डाँडीमा सम्पन्न भएको छ । कार्यक्रममा पुर्व माओवादी केन्द्रका जिल्ला सदस्य आन सिंह महरा’ अथक’, धर्म सिंह ऐर’ मुक्ति’, दिल व.टमाटा, गिरी सुनार, लाल व.सिंह, लक्ष्मण व.सिंह, शोभा राना लगायतका ३५ जना पुर्व माओवादी केन्द्र र पुर्व एमालेका नेता, कार्यकर्ताहरु नेपाल कम्युनिष्ट पार्टीमा प्रवेश गरेका छन् ।

राम व.सिंहको अध्यक्षतामा आयोजना गरीएको सो कार्यक्रममा पार्टी केन्द्रिय सदस्य तथा महाकाली व्युरो ईन्चार्ज राप्ती, जिल्ला ईन्चार्ज अग्नि, सेक्रेटरी परीवर्तन, जनपरीषद प्रमुख विर सिं. सुनार अतिथि रहेका थिए ।

कार्यक्रमलाई सम्वोधन गर्दै केन्द्रिय सदस्य राप्तीले, प्रचण्ड-बाबुरामहरुका बेईमानी र गद्दारीका कारणले अलपत्र परेको जनवादी क्रान्तिको ऐतिहासिक कार्यभार आफुहरुले पुरा गर्दै स्वाधिन जनगणतन्त्र नेपाल स्थापना गर्ने बताए ।

उनले अगाडी भने- ‘जनताका समस्या हल गर्नुको साटो वर्तमान के.पी.-प्रचण्ड मण्डलीको सरकारले उल्टै समस्या बढाईदिएका कारण असफल भईसकेका छन्, संसदीय व्यवस्था जनताको हितमा हुन सक्दैन, जसको विकल्प निर्विवाद वैज्ञानिक समाजवाद मात्र हो ।,’