रोल्पामा फस्टाउदै किवी खेति, गंगादेवका एउटै किसानको बारीमा मात्रै १ हजार बोट


मङ्सिर १०, काठमाडौं  । नेपालको पूर्वी पहाडमा गरिदै आएको किवी खेतीको विस्तार पश्चिमी पहाडमा पनि सुरु भएको छ । फलको राजाको रुपमा लिइदै आएको किवीको माग देश विदेशमा बढ्न थालेपछि पश्चिमी पहाडमा किवीको खेती विस्तार हुँदै गएको हो ।

पश्चिमी पहाडमा किवीको खेती राम्रो फस्टाउन थालेपछी रोल्पा गंगादेव गाउपालीका ३ का इन्द्र बहादुर खत्रीले ‘किवी फलफुल नर्सरी फर्म’ संचालन गरेका छन् । २८ वर्ष अगाडि भारतबाट ल्याएर रोपेको विरुवा फल्न थालेपछि आफू व्यवसायीक किवी  खेतीगर्न लागेको उनको भनाई छ ।

उनको फर्ममा अहिले ३९ रोपनी जमिनमा  किवीका १००० बोटहरु छन् जसमा ५० बोटहरु फलेका छन् भने अरु फल्ने अबस्थामा छन । किवी राम्रो उत्पादन हुने देखेपछि यतिबेला गंगादेवका अन्य ठाउँहरुमा पनि यो खेति सुरु गरिएको छ । गत साल मात्र गंगादेब ३ र ४ मा ६ हजार बिरुवा वितरण गरिएको थियो । यो बर्ष १० हजार बिरुवा को माग गरिएको छ । अहिले एउटा बिरुवाको ११० रुपैया पर्छ । गाउँपालिकाको कृषि शाखा सँग समन्वय गरेको र यदि अनुदान दिएमा प्रति बिरुवा ६० रुपैयाँ सम्म पर्न जाने उनको भनाई छ ।

उनले आफ्नो फर्मबाटै ४०० रुपैया प्रति किलो किवी बिक्रि गरिरहेका छन । अहिले काठमाडौं, दाङ, सुर्खेत र रोल्पाबाट अत्याधिक किविको माग भइरहेको छ । अहिले फलेको बोटबाट दुईलाख आम्दानी हुने र सबै बोट फलेमा बिसलाख भन्दा बढी आम्दानी हुने उनको आकलन छ ।

किवी तत्काल बजार नपाए कुहिएर जाने गोलभेडा खेति जस्तो नभएकाले पुस लागे पछि टिपेर राखेर एक डेढ महिना पछि बिक्री गरेर खान पनि सकिन्छ । यदि बजारनै पाएन भने जुस बनाउन समेत सकिन्छ जसको लागि जुस फ्याक्ट्री खोल्नुपर्ने हुन्छ फ्याक्ट्री खोल्नकोलागि सरकार संग निबेदन दिएको र सरकारले फ्याक्ट्री नखोले पनि आफै फ्याक्ट्री खोल्ने योजना उनले बनाएका छन ।

उनको किवी फर्मलाई वडा र गाउपालिकाले कुनै पनि नहेरेकोको उनको भनाई छ । उनको फर्ममा अहिले विभिन्न ठाउँबाट मानिस र संस्थाहरु अबलोकनमा आइरहेका छन । तर गंगादेव गाउँपालिका अध्यक्ष बिर बहादुर खत्रीलाई आफै भेटेर अबलोकनकोलागि निम्तो दिदापनि नआएकोमा उनको गुनासो छ ।

२०७५ मंसिर १०,सोमबार को दिन प्रकाशित

प्रतिक्रिया दिनुहोस

ताजा अपडेट

धेरै पढिएको