जनसभा प्रचारप्रसार उपसमितिको बैठक सम्पन्न, के-के भए निर्णय (निर्णयसहित)


मङ्सिर ४, काठमाडौं । क्रान्तिकारी पत्रकार संगठन, नेपाल र नेपाल कम्युनिस्ट पार्टीको प्रचार उपसमितिको बैठक संयुक्त रुपमा केहीबेर अघि सम्पन्न भएको छ ।

काठमाडौंमा बसेको बैठकले यही मंसिर ८ गते राजधानीमा काठमाडौंमा नेकपाको केन्द्रीय समितिको आयोजनामा हुने जनप्रदर्शन र जनसभाको प्रचारप्रसारलाई व्यवस्थित र व्यापक बनाउनेलगायत महत्वपूर्ण निर्णय लिएको क्रान्तिकारी पत्रकार संगठन, नेपालका अध्यक्ष प्रकाश डुम्रेले जानकारी दिएका छन् ।

बैठक नेकपाका पोलिटब्यूरो सदस्य अनिल शर्मा ‘विरही’को विशेष उपस्थितिमा भएको थियो । नेता विरहीले अहिले राज्य दलाल संसदीय व्यवस्था चलिरहेको अहिलेको अवस्थामा नेकपा जनताको शक्तिको रुपमा स्थापित हुँदै गएको र पार्टीले लिएको क्रान्तिकारी कार्यदिशा र जनपक्षीय राजनीतिक कार्यक्रम देखेर आतिएको अवस्था रहेकोले प्रदर्शन र जनसभालाई सुझबुझपूर्ण तरिकाले सम्पन्न गर्न मिडियाको महत्वपूर्ण भूमिका रहने बताए ।

सोहीअनुरुप मिडिया परिचालन गर्नेबारे नेकपाले सरल र व्यवस्थित रुपमा संचारको प्रबन्ध मिलाउने काम भइरहेको बताउँदै प्रचारप्रसारलाई रत्तिभर कमी र त्रुटी हुन नदिनेबारे बैठकमा उपस्थित पत्रकारहरुलाई निर्देशन दिए ।

त्यस्तै नेकपाका केन्द्रीय सदस्य एवम् जनसभा प्रचार उपसमिति उपसमितिका संयोजक चिरन पुन ‘मिलन’ले मंसिरको ८ को प्रदर्शन र जनसभा नेपाली जनतामाथि वर्तमान ‘दलाल नियन्त्रित’ राज्यसत्ताले थोपरिरहेको भ्रष्टाचार, काला बजारिया, महंगी, तस्करी, व्यापीचारी, बलात्कार तथा हिंसाको श्रृंखला, गुण्डागर्दीविरुद्ध सशक्त आवाज भएकोले यसको प्रचार देशैभर पुरयाउन जिम्मेवारी संचारकर्मीहरुको रहेको बताए ।

सोहीअनुरुप जनसभाको प्रचारप्रसार र संभावित नकारात्मक पक्षलाई नागरिकसामु समयमै पुग्नेगरी व्यवस्था मिलाउने काम उपसमितिले अन्तिम चरणमा पुर्याएको जानकारी दिए । सोही अनुरुप आ–आफ्नो क्षेत्रमा खट्न उपस्थित सबैलाई निर्देशन दिएका थिए ।

बैठकमा क्रान्तिकारी पत्रकार संगठन नेपालका अध्यक्ष प्रकाश डुम्रेले संगठनकोे सिंगो केन्द्रीय समितिले नेकपाद्वारा ८ गते काठमाडौंमा आयोजित विरोध प्रदर्शन र जनसभाको प्रचारप्रसारलाई पूर्णरुपले नागरिकसम्म पुर्याउने कार्यमा कुनै कसर र उपाय बाँकी नराख्ने प्रष्ट पारेका थिए ।

सोहीअनुरुप सबै साथीहरु आ–आफनो कार्यक्षेत्र र जिम्मेवारीमा खटिसकिएको जानकारी बैठकमा दिएका थिए । बैठकमा उपत्यकामा उप्लब्ध पदाधिकारी र केन्द्रीय सदस्यहरुको सहभागिता थियो । बैठकमा उपस्थित सदस्यहरुले विरोध प्रदर्शन र जनसभालाई व्यवस्थित तुल्याउनेबारे सुझाव दिएका थिए ।

आजकै बैठकमा नेकपा र क्रान्तिकारी पत्रकार संगठनको नाम जोडेर भ्रम छर्ने उद्देश्यबाट अराजक व्यक्तिले वक्तव्यबाजी गरिरहेकोबारे छलफल भएको र बैठकले उक्त मनगढन्ते र अनर्गल प्रचार र भ्रामक हर्कत नगर्न चेतावनी दिनेबारे गम्भीर छलफल भएको थियो । बैठकमा क्रान्तिकारी पत्रकार संगठनकाा अध्यक्ष प्रकाश डुम्रे, महासचिव हिम विष्ट, सचिव सिर्जना तिम्सिना र कोषाध्यक्ष जानकी चौधरी र केन्द्रीय सदस्यहरुको उपस्थित थिए ।

त्यस्तै यसअघि गत शनिबार नेकपाका स्थायी समिति सदस्य एवं प्रवक्ता प्रकाण्ड, अर्का स्थायी समिति सदस्य एवं मध्यमाण्ड ईन्चार्ज सुदर्शनको विशेष उपस्थिति र पोलिटब्यूरो सदस्य एवं पूर्वी कमाण्ड ईन्चार्ज विरहीको उपस्थितिमा क्रान्तिकारी पत्रकार संगठन नेपालसहित बसेको बैठकले ८ गतेको जनसभाको प्रचारप्रसार तीव्र बनाउन केन्द्रीय सदस्य मिलनको संयोजकत्वमा पाँच सदस्य प्रचारप्रसार उपसमिति गठन गरेको थियो ।

भ्रामक हर्कत नदोहोर्याउन अध्यक्ष डुम्रेको चेतावनी

यसैबीच नेकपाले पार्टीको नाम जोडेर भ्रामक प्रचार भइरहेकोप्रति आपत्ति जनाएको छ । त्यस्तै क्रान्तिकारी पत्रकार संगठन नेपालका अध्यक्ष प्रकाश डुम्रेले क्रान्तिकारी पत्रकार संगठनको नाममा भ्रम छर्ने उद्देश्यबाट केही अराजक व्यक्तिले वक्तव्य र प्रचारबाजी गरिरहेकोप्रति संगठनको गम्भीर ध्यायनाकर्षण भएको जनाउँदै उक्त झुठा र मनोगत प्रचार र भ्रामक हर्कत नदोहोर्याउन चेतावनी दिएका छन् ।

‘आजै पनि संगठनको नाममा अराजक व्यक्तिहरुले वक्तव्यबाजी गर्ने र भ्रमपूर्ण समाचारहरु बनाउने हर्कत भेटिएको छ । यसप्रति संगठनको गम्भीर ध्यानाकर्षण भएको छ’ अध्यक्ष डुम्रेले भने ‘त्यस्ता व्यक्तिहरुको भ्रामक समाचारमा नपर्न र आइन्दा त्यस्ता हर्कत नदोहोर्याउन चेतावनी दिन चाहन्छु ।’

नेकपा र संगठनले हिजो सोमबार मात्र ८ गतेको कार्यक्रमबारे समाचारलाई व्यवस्थित र व्यापक बनाउने विषयमा काठमाडौंमै पत्रकारहरुसँग छलफल गरी महत्वपूर्ण गरेको थियो ।

२०७५ मंसिर ४,मंगलवार को दिन प्रकाशित

प्रतिक्रिया दिनुहोस

ताजा अपडेट

धेरै पढिएको