असोज ३०, दाङ । दाङमा एक बृद्धको शब फेला परेको छ ।

भालुबाङको निर्माणधिन बसपार्क नजिक भालु खोलामा मृत अवस्थामा फेला परेको छ । अन्दाजी ५५ बर्षीय ती बृद्धको अहिले सम्म पहिचान हुन नसकेको ईलाका प्रहरी कार्यालय भालुबाङ प्रहरी निरीक्षक रबिन्द्रराज पाण्डेले जानकारी दिनुभयो ।

सोमबार राती मादर्कपदार्थ खाएर त्यो पुलबाट खसेर मृत्यु भएको हुन सक्ने आशंक गरिएको प्रहरीले जनाएको छ । मृतक ती बृद्धको साथमा कुनैपनि कागजपत्र नभएकोले पहिचानमा गर्न समस्या भएको प्रहरी प्रमुख पाण्डेले बताउनुभयो ।

तर स्थानीयले भने पेन्सन चलिरहेको पेन्सनवाला हुन सक्ने र ती बृद्धलाई लुटपात गरी हत्या गरेको हुन सक्ने अनुमान रहेको छ ।

राप्ती नदीमा नुहाउन गएका घिमिरेको शव गढवामा फेला

राप्ती नदीमा नुहाउने क्रममा बेपत्ता भएका लमही नगरपालिका वडा ३ बनगाउँ निवासी २२ वर्षिय बामदेव घिमिरेको शव सोमवार विहान ८.३० बजेको समयमा गढवा गाउँपालिका वडा नम्बर ७भोजपुर गाउँ देखि उत्तर राप्ती नदीमा डुवी रहेको अवस्थामा फेला परेको छ ।

वडा प्रहरी कार्यालयको १० सदस्यीय टोली र सशत्रसिमा सुरक्षाबल अर्जुनको ७ सदस्यीय खटिएको शव फेला पारेको हो । लमही नगरपालिका वडा नम्वर ६ मध्यविन्दु स्थित राप्तीनदीमा शनिवार दिउँसो दुई बजे नुहाउन गएका चार जना मध्य घिमिरे बेपत्ता भएका थिए ।

उनको खोजीकार्य तिव्र पारिएकोे भएपनि ३ दिनका दिन फेला परेको वडा प्रहरी कार्यालय लमहीले जानकारी दिएको छ ।