दूतावासले पत्रकारहरुको कार्यक्रम बहिस्कार, अवैध पत्रकारिता भन्दै परराष्ट्रमा रिपोर्ट दियो


युएईका लागि कार्यबाहक राजदुत नेत्र बहादुर टन्डन अर्को साता कार्यकाल सकेर स्वदेश फर्कनै लाग्दा नेपाल पत्रकार महासंघ युएई शाखाको १० औं वार्षिकोत्सव कार्यक्रम नै दुतावासले बहिष्कार गरेको छ । यस्ता कार्यक्रममा सहभागी हुने चलन नभएको भन्दै दूतावासले सहभागिता नजनाएको प्रतिक्रिया दिएको छ ।

नेपाल पत्रकार महासंघ युएई शाखा अध्यक्ष भूप राज बस्यालका अनुसार दुतावासलाई आमन्त्रणका लागि पठाएको इमेलमा युएईका लागि कार्यबहाक राजदूत नेत्रबहादुर टण्डनले यस्ता कार्यक्रममा सहभागी नहुने जवाफ फर्काएका छन् ।

शुक्रबार सम्पन्न कार्यक्रमबारे तीन हप्ता अगाडि जानकारी गराएर अधिकारिक पत्र पठाउँदा पनि दूतावासले कार्यक्रम बहिष्कार गरेको अध्यक्ष भूपराज बस्यालले बताए ।

यस अघि आबुधावीको मुसाफामा दलालले अलपत्र पारेका १९ जना नेपालीको मुद्दामा दूतावासका अधिकारीको नेक्सस रहेकोबारे तथ्य सहित समाचार आएपछि राजदुत टन्डन युएईमा रहेका पत्रकारहरु प्रति असन्तुष्ट बनेका थिए । उक्त समयमा नै टन्डनले पित पत्रकारिता गरेको आरोपसहित प्रेस विज्ञप्ती जारी गरेका थिए ।

परराष्ट्र स्रोतका अनुसार उहाँले युएईमा अवैधरुपमा पत्रकारिता गरिरहेका नेपालीका कारण समस्या आएको र भविष्यमा पनि यस्ता समस्या आउन सक्ने भन्दै परराष्ट्रलाई इमेल समेत गरेको खबर उज्यालो अनलाइनमा समाचार छ ।

प्रकाशित मिति २९ पौष २०७४

२९ पुष २०७४, शनिबार को दिन प्रकाशित

प्रतिक्रिया दिनुहोस