साउन २७, सल्यान । विगत दुई हप्तादेखि विद्युत अवरुद्व हुँदा सल्यान र रोल्पाका जनताहरु अध्यारोमा बस्न बाध्य भएका छन् ।
सल्यानको छत्रेश्वरी गाउँपालिका वडा नम्बर २ को बुराँसेमा भएको विद्युतको मुख्य ट्रान्समिटर आगलागी भएपछि विद्युत अबरुद्व भएको हो । २५ केवीको ट्रान्समिटर जलेपछि विद्युत अबरुद्व भएको स्थानीयले बताएका छन् ।
विद्युत अवरुद्व भएपछि सल्यान बुराँसेको माथिल्लो भाग, चामी गाउँ र रोल्पा सुकिदह गाउँपालिकाको वडा नम्बर ३ को मनिमारेका करिब ५० घरधुरी सेवा लिनबाट बन्चित भएका छन् ।
यता नेपाल विद्युत प्राधिकरण सल्यानका निमित्त कार्यालय प्रमुख राम बाबु शाहले आफ्नो कार्यालयमा अर्को ट्रान्समिटर नभएकाले जोड्न ढिला भएको बताएका छन् ।
उनले अहिले नेपालगन्जबाट नयाँ ट्रान्समिटर ल्याएको र अबको दुईतिन दिनमा जोडिसक्ने बताएका छन् ।
प्रतिक्रिया दिनुहोस