सञ्चारकर्मी तथा साहित्यकार दाहाल यज्ञनिधिको निधन


साउन २५, काठमाडौं । साहित्यकार एवं सञ्चारकर्मी दाहाल यज्ञनिधिको निधन भएको छ ।

लामो समयदेखि मिर्गौला रोगबाट पीडित साहित्यकार यज्ञनिधिको शुक्रबार निधन भएको हो ।

अन्नपूर्ण न्यूरो अस्पतालमा आईसियुमा राखेर उपचार गराउँदै आएका यज्ञनिधि बिहीबार बिहानको खाना खाएपछि घरमै अचानक लडेर बेहोस भएपछि त्यहाँबाट सुमेरु अस्पताल लगिएको थियो ।

सुमेरु अस्पतालमा उपचारकै क्रममा उनको निधन भएको उनका आफन्तले जानकारी दिएका छन् । उनको शव मण्डिखाटारस्थित निवासमा लगेर राखिने पारिवारिक स्रोतले जानकारी दिएका छन् ।

यद्यपी उनको अन्त्येष्टीका बारेमा निधो भइनसकेको उनका आफन्तले जानकारी दिएका छन् । लामो समयदेखि मिर्गौला रोगबाट पीडित दाहाललाई बनस्थलीस्थित राष्ट्रिय मिर्गौला रोग उपचार केन्द्रमा पनि लगिएको थियो ।

२०७५ श्रावण २५,शुक्रबार को दिन प्रकाशित

प्रतिक्रिया दिनुहोस

ताजा अपडेट

धेरै पढिएको