भदौ २१, काठमाडौं । बंगलादेशमा जारी साफ च्याम्पियन सिप २०१८ अन्तर्गत आफ्नो दोस्रो खेलमा भुटानलाई फराकिलो अन्तरमा हराउँदै नेपालले सेमिफाइनल यात्रा जिवितै राखेको छ ।

ढाकाको बंगबन्धु रंगशालामा भएको खेलमा नेपालले भुटानलाई ४-० को फारकिलो अन्तरमा हराउँलै अन्तिम चारको मौका कायमै राखेको हो।

नेपालको जितमा अनन्त तामाङ, सुनील बल, भरत खवास र निराजन खड्काले १-१ गोल गरे। पहिलो हाफमा १-० ले अगाडि रहेको नेपालले दोस्रो हाफमा थप तीन गोल गरेको हो।

खेलको २१औं मिनेटमा अनन्तले गोल गर्दै खेलमा अग्रता दिलाएका थिए। सुनील बलको कर्नरमा अनन्तले हेडरमार्फत् गोल गरेका थिए।

दोस्रो हाफको ७० औं मिनेटमा पाएको पेनाल्टी बिमल घर्तीमगरले मिस गरेका थिए। बिमलको पेनाल्टी किपरबाट फर्किएपछि सुनिलल त्यसलाई गोलको दिशा दिएका थिए।