भदौ २१ ढाका । साफ च्याम्पियनसिप २०१८ अन्तर्गत समूह ‘ए’ को दोस्रो खेल नेपाल र भुटानबीच बिहीबार हुँदैछ । बंगलादेशको राजधानी ढाकास्थित बंगबन्धु रंगशालामा नेपाली समयअनुसार अपरान्ह ४ बजे खेल हुँदै छ ।

खेलको लागि सबै तयारी पुरा भएको छ। नेपालले पहिलो खेल पाकिस्तानसँग २-१ ले हारेको थियो। सेमिफाइनल पुग्नको लागि नेपालले भुटानलाई जित्नै पर्नेछ।

साफ च्याम्पियनसिपमा नेपालले भुटानसँग जम्मा २ खेल खेलेको छ। भुटानलाई दुवै खेलमा हराएको छ। खेलअघि नेपालका मुख्य प्रशिक्षक बालगोपाल महर्जनले भुटान विरुद्ध नेपालको मनोबल उच्च रहेको बताए।