रहेनन् एक रोल्पाली मगर, जसले सिकाए ‘मगर हुनुमा गर्व छ’


मङ्सिर १५, रोल्पा । ‘मगर हुनुमा गर्व छ’ मगर जातिहरुको आत्म सम्मान तथा पहिचान बोकेको यो एउटा चर्चित भनाई हो । जस्मा आफ्नो पहिचान झल्किन्छ । संस्कृति र संस्कार अनि पहिरन अभिव्यक्त भएको छ ।

रोल्पा जिल्ला मगरहरुको बाहुल्यता भएको जिल्ला हो । उत्पीडनमा परेको जाति मानिने मध्य मगर समुदाय पनि एक हो । आफ्नो बर्ग र समुदायको हक अधिकारको निम्ति भएका परिवर्तनका हरेक संघर्षहरुमा रोल्पाली मगरहरुको अमुल्य योगदान रहेको छ ।

फाइल फोटो: मगर दिवशको

यसरि रोल्पालीहरुलाई ‘मगर हुनुमा गर्व छ’ भन्न सिकाउने एउटा व्यक्ति हुन् ‘नन्द बहादुर घर्ति मगर’ । तिनै अभियन्ता घर्ति मगर अब यो धर्तीमा रहेनन् । बिहिबार साँझ झिसमिसेमै भौतिकरुपमा यो धर्ति छोडेर बिदा भए ।

उनले यो धर्ति छोड्नुमा भने आफ्नै कारण थिएन । निर्ममतापूर्वक उनको हत्या गरियो । बैरीहरुले उनलाई जीवित रहन दिएनन ।

उत्पीडन समाजको एउटा सचेतक व्यक्तिको निधनले रोल्पा र रोल्पालीहरु नै स्तब्ध भए । नन्द बहादुर घर्ति मगर रोल्पा र रोल्पालीहरुको सचेतक थिए । उनि मगर समुदायका बौद्धिक ब्यक्तिका रुपमा परिचित थिए । बिभिन्न सामाजिक संघ संस्थाहरुमा पनि आबद्द थिए । भर्खरैमात्र संसारभर निर्माण भएको अन्तर्राष्ट्रिय रोल्पाली सेवा समाजका सल्लाहकार समेत थिए ।

उत्पीडित मगर समुदायको संगठन ‘नेपाल मगर संघ रोल्पा’को अध्यक्षको रुपमा लामो समय जिम्मा निर्बाह गरेका थिए । त्यसैगरि ‘नेपाल मगर संघ केन्द्रिय पुर्व उपाध्यक्ष समेत हुन् । उक्त समुदायको अभिभावक मानिन्थे ।

रोल्पा कोर्चाबाङका घर्ती बौद्धिकताको हिसाबले एक लेखक तथा विश्लेषक हुन । कुशल शिक्षक पनि हुन । घर्ति एक सुझबुझयुक्त राजनीतिकर्मी पनि मानिन्थे ।

पछिल्लो समय शिक्षण पेशासंगै रोल्पामा स्टेसनरी ब्यबसायी बनेका घर्ती हाल घोराहीमा हार्डवेयर पसल सञ्चालन गर्दै आएका थिए ।

रोल्पाली मगरहरुको उत्थानमा उनको भूमिका

४६ बर्षीय घर्ती मगरले ‘नेपाल मगर संघ रोल्पा’लाई महत्वपूर्ण योगदान दिएका छन । २०५६ साल देखि २०६२ सालसम्म अध्यक्षको भूमिकामा रहेका थिए । त्यसपछि नेपाल मगर संघ केन्द्रीय उपाध्यक्षको जिम्मेवारी समेत बहन गरेका थिए ।

पछिल्लो समय अन्तर्राष्ट्रिय रोल्पाली सेवा समाजको केन्द्रिय सल्लाहकार समेत थिए ।

रोल्पाली मगर, नेपाली समाज र देश बिकासको लागि सामाजिक अभियन्ता बने । उनि मगर समुदायमा बौद्धिक ब्यक्ति थिए । समुदायको उत्थानका लागि कठोर संघर्ष गर्ने ब्यक्ति मध्ये पर्छन ।

लामो समय शिक्षण पेशामा रहेका घर्ती मगरले समुदायका बालबालिकाहरुको शैक्षिक चेतनामा पनि महत्वपूर्ण भूमिका रहेको छ । उनि संग राजनीतिक चेतना पनि भएको हुँदा उनको शिक्षण सिकाई सामाजिकीकरण तिर उन्मुख थियो ।

अन्त्यन्त मिजासिलो स्वाभावका घर्तीले मगर समुदायलाई एक जुट गराउनका लागि ठुलो कसरत गरेका थिए । बिशेषगरी दाङमा देखिएको मगर संघको फाटोलाई मिलाउन घर्तीको महत्वपुर्ण भूमिका रहेको थियो ।

नेपाल मगर संघको शोक बक्तब्य तथा प्रेश बक्तब्य

घर्तीको हत्याप्रति विभिन्न संघसस्था तथा ब्यक्तिहरुले दुख प्रकट गरेका छन् । नेपाल मगर संघ जिल्ला समन्वय समिति रोल्पाले शोक बक्तब्य जारिगरेको छ ।

उनको हत्याको खबरले निकै ठुलो क्षेती भएको जनाउदै मगर संघ रोल्पाले दुख व्यक्त गरेको छ । उक्त घटनाप्रति ध्यानाकर्षण गराउदै हत्यारालाई कडा कारबाही गर्न जोडदाररुपमा माग गरेको छ ।

यसैगरि नेपाल मगर संघ केन्द्रले पनि शोक बक्तव्य जारिगरेको छ । घर्तीको हत्या बिषयलाई निकै गम्भीरताका साथ लिएको जनाउदै हत्याको निष्पक्ष छानबिनगरि कारबाही गर्न सरकार संग जोडदाररुपमा माग गरेको छ ।

यदि हत्यारालाई कारबाही नगरे जनताको तहबाट पहलकदमी लिएर न्याय दिने चेतावनी समेत मगर संघ केन्द्रले दिएको छ ।

अन्तर्राष्ट्रिय रोल्पाली सेवा समाजको शोक बक्तब्य

अन्तर्राष्ट्रिय रोल्पाली सेवा समाजले सल्लाहकार घर्तीको हत्या जघन्य अपराध भएको जनाउदै घोर भर्त्सना गरेको छ । शोक बक्तब्य जारि गर्दै निष्पक्ष छानबिन गरि दोषीलाई जन्मकैदको सजायको समेत माग गरेको छ ।

समाजको शोक बक्तव्यमा भनिएको छ, अन्तर्राष्ट्रिय रोल्पाली सेवा समाजका सल्लाहकार, एक कुशल लेखक, शिक्षक, समाजसेवी, ब्यबसायी, नेपाल मगर सङ्घका पुर्ब केन्द्रिय उपाध्यक्ष तथा रोल्पा जिल्ला माडी गाउँ पालिका ०६ , कोर्चाबाङ निबासी श्री नन्द बहादुर घर्तिको बीभत्स हत्याको खबरले हामी निकै मर्माहत छौ’।

कसरि भयो हत्या ?

बिहीबार बेलुका एक जनाले ५ लाख रुपैयाको हार्डवेयरका सामान खरिद गरेको र २ लाख ५४ हजार अपुग भएपछि थप पैंसा दिन भनी सँगै लिएर गएको आधा घण्टामा घटनाका भएको थियो ।

रोल्पा माडी गाउँपालिका–६ कोर्चाबाङ स्थायी घर भई घोराहीमा हार्डवेयर व्यवसाय गर्दै आएका ४६ वर्षीय नन्दबहादुर घर्ती मगरको घोराही उपमहानगरपालिका–१३ लामीडाँडास्थित दुधेसोतामा छुरा प्रहार गरी हत्या भएको थियो ।

गम्भिर घाइते अवस्थामा स्थानीयले फेला पारेपछि उपचारका लागि राप्ती स्वास्थ्य विज्ञान प्रतिष्ठान घोराहीमा पुर्‍याइए पनि अस्पताल पुगे लगत्तै चिकित्सकले मृत घोषणा गरेको थियो ।

सामान खरिद गर्न आएका रोल्पा तालाबाङका अमर खत्रीलाई प्रहरीले तत्कालै नियन्त्रणमा लिएको थियो । खत्रीलाई कोठामा पुगेर रगत लागेको कपडा फेरिसकेको अवस्थमा फेला पारेको प्रहरीले जनाएको छ। खत्री पनि घाइते भएको प्रहरीको भनाइ छ। घटनाबारे थप अनुसन्धान भइरहेको एसपी पाण्डेले बताएका छन्।

२०७५ मंसिर १५,शनिबार को दिन प्रकाशित

प्रतिक्रिया दिनुहोस

ताजा अपडेट

धेरै पढिएको