घरमाथि ढुंगा खस्दा कालिकोटमा ३ बालक पुरीए


पोष्टपाटी!

कालिकोट-सान्नी त्रिवेणी गाउँपालिका वडा नं ६ पोरिवन काब्रागाउँमा ढुंगाले तीन बालबालिका ढुंगाले थिचिएका छन्। राति भीरबाट खसेको ढुंगा स्थानीय बुँदे सार्कीको घरमा खस्दा उनका २ छोरी र एक छोरा थिचिएका हुन्।

ढुंगाले थिचिएका १३ वर्षीया ललिता, ९ वर्षीय लंक र ५ वर्षीया कल्पनाको अवस्था अज्ञात छ। ढुंगाले च्याप्दा बुँदे सार्की उनकी श्रीमती बेलु सार्की र छिमेकी शर्मिला सार्कीसहित सात जना घाइते भएको सान्नी त्रिवेणी गाउँपालिकाका अध्यक्ष डम्बरबहादुर शाहीले बताए ।

गम्भीर घाइते बुँदे, बेलु र शर्मिलालाई उपचारका लागि जिल्ला अस्पताल लगिएको छ। ढुंगाले थिचिएका तीन बालबालिकाको खोजी कार्यमा नेपाल प्रहरी, नेपाली सेनाको टोली खटिएको जिल्ला प्रहरी कार्यालय कालिकोटले जनाएको छ।

साभार: थाहा खबर बाट

२०७४ श्रावण १६,सोमबार को दिन प्रकाशित

प्रतिक्रिया दिनुहोस

ताजा अपडेट

धेरै पढिएको