विभिन्न अभियोगमा बन्दी जिवन बिताईरहेकाहरुलाई भेट्न जाने महिलाहरुलाई कारागारमा खटिने प्रहरी अधिकृत तथा प्रहरी जवानबाट यौनजन्य हिसां हुने गरेको चर्चा बेला बेला हुने गरेको छ ।

केही स्थानमा त यतिसम्म भएको छ की प्रहरीका जवानले बन्दिका श्रीमतिलाई बन्दी भेट्न गएकै आवस्थामा बन्ने सम्बन्धका आधारमा यौनसम्बन्धको प्रस्ताव समेत हुने गरेको चर्चा समेत नभएको होईन । तर मंगलबार राजधानीमा अर्को अनौठो घटना घटेको छ । कारागारमा बन्दी श्रीमानलाई भेट्न आएकी एक महिलालाई प्रहरीका असईले नै बाहिर भेट्न बोलाएको पत्तो पाएपछि बन्दि श्रीमानबाटै असई कुटिएका छन ।

नख्खु कारागारमा अपहरण मुद्दामा पुर्पक्षका लागि थुनामा रहेका सुजन यादवकी श्रीमतीलाई फोन नम्बर साटेर बाहिर बाहिर भेट्न बोलाएको थाहा पाएपछि नख्खु कारागारमै कार्यरत असई नरबहादुर थापा बन्दीबाटै कुटिएका हुन् । मंगलबार यादव र श्रीमतीवीच भेटघाट भईसकेपछि उनले महिलालाई बाहिर भेट्न बोलाएका थिए ।

असईको चाल बुझेपछि बन्दी यादवले श्रीमति र असईलाई सम्झाउदाँसमेत नमानेपछि बन्दि यादवले असईलाई झापड हानेको प्रहरी नायव निरिक्षक रेख बहादुर श्रेष्ठले बताए । भेट्न आएका बन्दीका आफन्तलाई दुर्वव्यवहार गर्ने असई थापालाई प्रहरीले कारबाहीको प्रक्रिया थालेको छ ।

टिभी अन्नपूर्णबाट