प्रचण्डले भने ‘एकतामा सामेल नहुनेहरु पार्टी छोड’


भैरहवा, ८ पुस– माओवादी केन्द्रले समानुपातिक सूची निर्वाचन आयोगलाइ बुझाएको भन्ने खबरहरु सार्वजनिक भएको थियो  । यत्तिकैमा आज भैरहवा पुगेर माओवादि अध्यक्ष पुष्पकमल दाहाल ‘प्रचण्ड’ ले प्रतिनिधिसभाको प्रणालीतर्फको समानुपातिक सांसद कस–कसलाई बनाउने भन्नेबारे पार्टीमा संस्थागत निर्णय नभइसकेको भनेर ति सूचीमा रहेका समानुपातिक अपेक्षित सांसदरुलाई झट्का लगाइदिएका छन् ।

भैरहवामा आयोजित कार्यक्रममा प्रचण्डले समानुपातिकमा परेका भन्दै सञ्चार माध्यममा आएका नाममध्ये सबै सांसद नहुने स्पष्ट गरे । उनले निर्वाचन आयोगले नाम नमागेको र पार्टीले समेत निर्णय नगरेको अवस्थामा सञ्चार माध्यममा अनुमानका आधारमा नाम छापिएको टिप्पणी गरे ।

‘पार्टीले समानुपाकित सांसदबारे निर्णय गरिसकेको छैन’, उनले भने, ‘निर्वाचन आयोगले मागेपछि छलफल गरेर नाम पठाउँछौं ।’ प्रचण्डको यो भनाइले सांसद भएको भन्दै बधाई समेत खाइसकेका कतिपयलाई तनाब हुने देखिएको छ । सञ्चार माध्यमलाई आधार बनाएर कोही पनि भ्रममा नपर्न उनले आग्रह गरे । फरक प्रसंगमा उनले एमालेसँग एकता कसैले रोक्न नसक्ने बताए ।

एकताविरोधी तत्वले गरेको हल्लाका पछाडि नलाग्न उनले कार्यकर्तालाई निर्देशन दिए । एकतामा सामेल नहुनेहरुले पार्टी छाडे हुने अभिव्यक्ति समेत उनले दिए । ‘एमालेसँगको एकता अब कसैले चाहेर पनि रोकिँदैन’, उनले भने, ‘यदि कसैलाई एकता मन परेको छैन भने ऊ छुट्छ ।’

प्रचण्डको यो भनाइ पश्चात अब माओवादी केन्द्रको समानुपातिक सूचीमा अवश्य पनि परिवर्तन आउने देखिन्छ ।

प्रकाशित मिति : २०७४ पुष ८

२०७४ पुष ८,शनिबार को दिन प्रकाशित

प्रतिक्रिया दिनुहोस

ताजा अपडेट

धेरै पढिएको