पोष्टपाटि/काठमाडौँ – आश्विन ६ लामो समयदेखि शीर्ष नेताको समय अभावका कारण बस्न नसकेको एमाले केन्द्रीय कमिटी बैठक आजदेखि शुरु हुँदैछ।
११ बजेदेखि पार्टी मुख्यालय धूम्रबाराहीमा बैठक शुरु हुने एमाले केन्द्रीय कार्यालय सचिव कृष्णगोपाल श्रेष्ठले जानकारी दिए।
बैठक तीनदिनसम्म चल्ने र बैठकमा स्थानीय निर्वाचनको समीक्षा, प्रदेश र केन्द्रीय निर्वाचन र समसामयिक राजनीतिक गतिविधिबारे छलफल हुनेछ।
बैठकमा एमाले अध्यक्ष केपी शर्मा ओलीको राजनीतिक प्रतिवेदन प्रस्तुत गर्ने कार्यसूचीसमेत रहेको छ। उनले बैठक केन्द्र र प्रदेश निर्वाचनमा केन्द्रित हुँदै दुवै निर्वाचनका लागि उम्मेदवार छनोटको मापदण्डसमेत बनाउने बताए।
प्रतिक्रिया दिनुहोस