पोष्टपाटी!

राज्यबाट संधै पिछडिएको क्षेत्र कर्णालीले यसपाली पहिलो पटक महिला मन्त्रि पाएको छ। सांसद गोमा गौतम कुँवर कर्णालीकै प्रथम महिला मन्त्री बनेपछि कर्णालीबासिमा खुसि छाएको छ ।

सांसद गोमा गौतम कुँवर आइतबार पशुपक्षी राज्यमन्त्री बनेपछि कर्णालीबासिले खुसि ब्यक्त गरेका हुन् । लैंगिक समानुपातिक मुद्दा उठाएको माओबादि केन्द्रबाट प्रतिनिधित्व गर्दै माओबादीले पहिलो पटक कर्णालीको पहिलो महिला मन्त्रि बन्ने अबसर दिएको हो ।

कुँवर मन्त्री बनेपछि कर्णालीले पहिलो पटक महिला मन्त्री पाएको भन्दै कुँवरको गृह जिल्ला जुम्लाबासि तथा उहाँका शुभचिन्तक, आफन्तजनहरुले बधाइ दिन थालेका छन् ।

३४ बर्षिय मन्त्री गोमा गौतम कुँवर कलिलो उमेरमै २०५६ सालदेखि माओबादि राजनितिमा लाग्नु भएको हो । सानै उमेरमा माओबादि राजनितिमा लाग्नु भएकि कुँवरले १० बर्षे जनयुद्धमा पनि नेतृत्वदायि भुमिका खेलेको दावि गर्नुहुन्छ । पलसटु पास गरेकि मन्त्री कुँवरले शसस्त्र जनयुद्धको कारण आफ्नो अध्ययनलाई निरन्तरता दिन नसकेको उहाँको पारीवारीक स्रोतले बताएको छ ।

समाजमा रहेको जातिय विभेद, लैंगिक हिंसा, छुवाछुत प्रथा, भष्टचार लगाएतका कुरीतिको अन्त्य गरी समाज परिवर्तनका लागि माओबादि राजनिति अपनाएको बताउने मन्त्री कुँवर आगामि दिनमा गाँउ, समाज, जिल्ला र देश विकासमा आफ्नो योगदान रहने बताउनुहुन्छ ।

जनयुद्धको समयमा कर्णालीका जिल्लाहरुलाइ आफ्नो कार्य क्षेत्र बनाएकि मन्त्री कुँवरले माओबादि निकट भातृ संगठन महिला समुहको जिल्लाबाट नेतृत्व गर्दै भेरी कर्णाली अध्यक्ष हुदै हाल महिला संगठनको केन्द्रीय सचिब समेत रहनुभएको छ । अहिले पोलिटब्युरो सदस्य समेत उहाँ हुनुहुन्छ ।