सोमबार बसेको माओवादी केन्द्रको बैठकमा महराले हतार गरेर पार्टी एकतामा जाँदा पछि पछुताउनुपर्ने अवस्था आउन सक्ने भन्दै एकताप्रति असन्तुष्टि राखेका थिए ।

उनले एमालेसँग चुनावी तालमेल मात्र भएको भन्दै पार्टी एकता जटिल रहेको बताएका थिए । ‘एमालेसँग चुनावी तालमेल मात्र गरिएको हो’, महराले भनाइ उद्धृत गर्दै एक नेताले भने, ‘एमालेसँगको एतामा मैले धेरै जटिलता देखेको छु ।’ महरा सुरुदेखि नै एकताको विपक्षमा उभिएको चर्चा चल्दै आएको थियो ।

तर अध्यक्ष प्रचण्डले एकताबिरोधि अभिव्यक्ति दिने जुनसुकै नेता कार्यकर्ताहरुलाई कारवाही गर्ने चेतावनी दिएपछि महराले बोली फेरेको स्रोतले बतायो । प्रचण्डले सोमबारको हेडक्वार्टर बैठकमा समेत कसैले पनि एकताबिरोधि अभिव्यक्ति नदिन चेतावनी दिएका थिए ।