युद्द बेलाको अथक बटुवी ‘शुभेच्छा’


मेरो यात्रा हजार माइलको लामो छ

मेरो अगाडि सुन्दर उज्ज्वल भविष्य छ

मेरो पछाडि लामो कहानी छ

मेरो पिठ्युँमा न्याय र मुक्तिको भारि छ

मेरो काँधमा देशको काचुलि फेर्ने

थप जिम्मेवारी सुम्पियको छ

मलाई चुप लागेर बस्ने फुर्सद छैन

अन्याय अत्याचारका बिरुद्ध लड्नु छ

 

मलाई हात बाधेर बसिरहने समय छैन

मेरो हातमा रक्तिम कलम छ

जुन बिरता र वलिदानका स्वर्णिम इतिहास कोर्नु छ

अँह म त थाक्दै नथाक्ने एक निडर अथक बटुवा हुँ

मेरो केवल एउटा मात्र लक्ष्य छ

 

एउटा मात्र सुन्दर सपना छ

मलाई बिश्राम गर्ने समय छैन

यतिबेला सर्बहारा बर्गको भाग्यरेखा कोर्न ब्यस्त छु

युद्ध मोर्चाको एक छेउबाट संसारको चित्रण गरिरहेकि छु

मैले फोगटियामा दिन बिताउनु छैन

इतिहासले सुम्पेको अभिभारा पूरा गर्नु छ

शहिदका अधुरा सपना साहाकार पार्नु छ

अढाई करोड जन्ताको अंगरक्षक बन्नु छ

जनमुक्ति सेनाको एक सिपाहि बनेर

आँधीमय भिषण मोर्चा लड्नु छ

मेरो यात्रा रोक्न खोज्ने

बिशालु काडाहरु पन्छाउनु छ

मेरो अगाडि बिछ्याइएका बिद्धुतिय

धरापहरु निष्कृय पार्नु छ

म बिचारमा हार्दै नहार्ने एक अबिचलित बटुवा हु

 

चाहे मेरो अगाडि मृत्युका धरापहरु थापिएका होलान

चाहे मेरो हात खुट्टाहरु चिरेर

जिबन्त घाउमा नुन चुक हालियलान

भौतिक शरीर फाँसीको फन्दामा ज्युदै झुण्ड्याइयलान

म हजारौं पाषविक यातना भोग्न तयार छु

म आफ्नो जिबनदान गर्न राजि छु

 

तर म सद्धैभ आजीवन भरि नथाक्ने,

नझुक्ने, नरुक्ने अबिचलित अथक वीर योद्दा

बन्न बर्गसंघर्षको रापिलो भट्टिमा खारिदै छु

आँखाको नानि र मुटुको ढुकढुकिमा सजिन

प्रदिप्त ज्योति सँग मुस्कुराउदै

सौन्दर्यको प्रतीक बनिरहन

महान यात्रामा सद्धैभ लडिरहन

 

म यसैको पक्षपाति एक अथक बटुवा हुँ

म त एक वीर भूषण हुँ

मैले प्रत्यक यातनाका हस्तचक्रहरुमा

आस्था र उदेश्यको महान बाटो कोर्न

मेरो काँधमा

मेरो साथमा

मेरो कर्ममा

मेरो जिम्यवारमा जे परे पनि

भबिस्यबाणी र बैज्ञानिक्ताको आदर्शबाट पूरा गर्न

म एक अथक निष्टावान र कर्तव्यशिल बटुवा हुँ

म एक अथक युद्ध यात्रि हुँ

।। समाप्त ।।

 

मिना कुमारि शाहि (शुभेच्छा) को युद्द बेला रचना

मिति २०६१/८/१३

२०७४ भाद्र १९,सोमबार को दिन प्रकाशित

प्रतिक्रिया दिनुहोस

ताजा अपडेट

धेरै पढिएको