ट्रेन्डिङ

विदेश जानेहरुको लागि ‘बैदेशिक रोजगार बचत खाता’ संचालन, यस्ता छन् १५ सुविधा

असार २६, काठमाडौँ । एनआईसी एसिया बैंकले बैदेशिक रोजगारीमा भएका तथा जान चाहनेहरुलाई मध्येनजर गर्दै चमत्कारिक बैदेशिक रोजगार बचत खाताको सुरुवात गरेको छ ।

बैंकले बैदेशिक रोजगारीमा जाने युवाहरुले आफूले बिदेशी भूमिमा दु:ख गरि कमाएको पैसा बचत होस् भन्ने हेतुले उक्त खाताको सुरुवात गरेको जनाएको छ ।

यो खाता खोलेर विदेश जाने युवाले बैंकमार्फत १० लाखसम्मको बिमा सुविधा पनि पाउने हुँदा यो खातामा विदेश जाने युवाहरु आकर्षित भएका छन् ।

बैंकका अनुसार यो खाता एनआईसी एसियाका जुनसुकै शाखाबाट पनि खोल्न सकिनेछ । विदेश जाने युवाहरुले आफ्नो घर चलाउने निश्चित रकम घरमा पठाएर बाँकी रहेको पैसा आफ्नै खातामा जम्मा गरुन् भन्ने हेतुले यस्तो खाता सुरुवात गरिएको बैंकले जनाएको छ ।

विदेश जाने युवाहरुले यस्तो खाता सहज रुपमा खोलुन् भन्ने हेतुले एनआईसी एसिया बैंकले सिनामंगल र सामाखुसी क्षेत्रमा दर्जन बढी कर्मचारी परिचालन गरेको छ । खटिएका कर्मचारीहरुले बैदेशिक रोजगारीमा जाने क्रममा रहेका युवाहरुलाई प्रत्यक्ष भेटेर उनीहरुलाई खाता खोल्न प्रोत्साहन गर्ने गरेका छन् ।

यही क्रममा बैंकबाट खटिएका एक कर्मचारीले बताए अनुसार विदेश जाने तयारीमा रहेका अधिकांश युवाहरुले यस्तो खाता खोल्न उत्साहित भएको बताए ।

उनका अनुसार बैंकले यो खाताको स्किम ल्याएसँगै म्यानपावर कम्पनीहरु धेरै भएका क्षेत्रहरु बिशेष गरि गोंगबु तथा सिनामंगल क्षेत्रका एनआईसी एसिया बैंकका शाखाहरुमा बैदेशिक रोजगारमा जानेहरुले दैनिक यस्तो खाता खोल्न थालेका छन् ।

‘खाता खोल्न सजिलो छ’

बैदेशिक रोजगारीमा जान चाहने तथा जाने तयारीमा रहेका युवाहरुले आफ्नो पासपोर्ट वा नागरिकताको फोटोकपी र २ प्रति फोटो लिएर एनआईसी एसिया बैंकको नेपालभरीको जुनसुकै शाखाबाट यस्तो खाता खोल्न सक्छन् । यो खाता खोल्नको लागि न्युनतम रु ५०० मात्र आफ्नो खातामा डिपोजिट गरे पुग्छ ।

त्यसपछि बैदेशिक रोजगारीमा गएर आफ्नो खातामा पैसा जम्मा गर्न सकिन्छ । ६.५ प्रतिशत ब्याज समेत पाइने यो खाताले बैदेशिक रोजगारीमा जान चाहने युवाहरुलाई बिभिन्न १५ प्रकारका सुविधाहरु प्रदान गरेको छ ।

यस्तो खाता खोल्ने युवाहरुले के-के सुविधा पाउन सक्छन् तल बुदागत रुपमा हेर्नुहोस् ?

१. इन्टरनेट बैंकिंग (पहिलो बर्ष निशुल्क)
२. मोबाइल बैंकिंग (पहिलो बर्ष निशुल्क)
३. डेविट कार्ड (पहिलो बर्ष निशुल्क)

४. अनलाइनबाटै Fixed Deposit गर्न सकिने सुविधा
५. FCY Exchange – Rebate on purchase and premium on sell (१५ पैसा मात्र)
६. अन्तराष्ट्रिय Visa Card – २ दिनमै पाइने (५०% छुटमा)
७. Swift/ Demand Draft issuance – (२ लाखसम्म निशुल्क प्रोसेसिङ गरिने/प्रति बर्ष)

८. Supplementary Card – (पहिलो बर्ष निशुल्क)
९. Home Loan Processing Fees – 25 basis point
१०. Home Loan मा Interest Rate – Base Rate + Upto 3%
११. दुर्घटना मृत्यु/स्थाई रुपमा अशक्त विमा – १० लाख वा (मासिक बचतको ५ गुणामा जुन कम हुन्छ)

१२. ABBS Charge – ५ लाखसम्म निशुल्क
१३. ATM Withdrawal/Balance Inquiry – नेपाल भरीको ATM काउन्टरमा निशुल्क
१४. भाईवर बैंकिंग सुविधा – निशुल्क
१५. Demat Account opening facility – निशुल्क दर्ता

प्रतिक्रिया दिनुहोस

ताजा अपडेट

धेरै पढिएको