सल्यानमा सामुदायीक विद्यालयले स्कूल बस र छात्रावास सञ्चालन गर्ने

कक्षा ८ सम्म अंग्रेजिमा पढाई

शंकर के.सी/कात्तिक १७, सल्यान । सल्यानको एक सामुदायीक विद्यालयले बस सेवा तथा छात्रावास सञ्चालनका लागी अभियान थालनि गरेको छ ।

नेपाल राष्ट्रिय माध्यमिक विद्यालय कपुरकोट, ४ किमुचौरले विद्यालय भन्दा टाढा र ग्रामिण क्षेत्रका वालवालिकालाई लक्षित गरी स्कुल बस र छात्रावास संचालनको लागि अभियान चलाएको हो ।

विद्यालयका प्रधानाध्यापक सिट्टीसाप विष्टले कोष नै खडा गरेर अभियान चलाईएको बताए । शिशु कक्षा देखि कक्षा ८ सम्म अंग्रेजि माध्यममा पठनपाठन हुने मावि किमुचौरले कोषमा ३ लाख रुपैयाँ जम्मा भइसकेको पनि जनाएको छ ।

स्कुल बस सञ्चालनका लागी थालिएको अभियान अन्तर्गत तिहारमा देउसी भैलो खेलेर एक लाख रुपैयाँ जम्मा भएको प्रअ विष्टले बताए । उनले भने, विद्यालयमा छात्रावास र स्कुल बस सञ्चालनका लागी विद्यालय परिवार तथा अभिभावकहरु एक जुट भएर लागेका छौँ । यसपालीको तिहारमा देउसी भैलो खेलेर एक लाख रुपैयाँ जम्मा गरेका छौँ ।

शिक्षक, विद्यार्थी तथा अभिभावकहरुले तीन दिन सम्म १०, ११ र १२ गते कपुरकोट गाउँपालिका भित्रका विभिन्न स्थानमा भैलो खेलेको उनले जनाए । भैलो खेलेर जम्मा भएको एक लाख र विद्यालयको अन्य आन्तरिक श्रोत दुई लाख गरी तीन लाख रुपैयाँ स्कुल बस खरिद तथा ब्यवस्थापन कोषमा जम्मा भएको प्रअ विष्टले बताए ।

गुणस्तरीय शिक्षा प्रदान गर्न लागि परिरहेको जनाएको विद्यालयले बस सेवा सञ्चालनका लागी अभिभावकहरुबाट पनि माग भइरहेकाले अभियान सञ्चालन गरिएको जनाएको छ । विद्यार्थीको सुविधा र टाढाका विद्यार्थीलाइ मध्यनजर गरेर बस सञ्चालनको निर्णय गरिएको विद्यालय व्यवस्थापन समितीका अध्यक्ष हरिलाल पुनले जानकारि दिए ।

आउने नयाँ शैक्षिक शत्र देखि स्कुल बस सञ्चालन गर्ने लक्ष्य रहेको उनको भनाई छ । बस खरिदको लागी आवश्यक पर्ने थप रकमको लागी स्थानीय सरकार संग समन्वय गरी नेरामावि किमुचौरमा अध्ययन गरि बैदेशिक रोजगारमा रहेका, विभिन्न जागिरमा प्रवेश गरेकाहरुबाट पनि सहयोग माग गरिने विद्यालयले जनाएको छ ।

जिल्लाको नमुनाको रुपमा रहेको यस विद्यालयमा ई लाईब्रेरी, सिसि कयामेरा, ई हाजिरी सञ्चालनमा छन् । शिशु देखि कक्षा ८ सम्म सञ्चालन गरिएको अंग्रेजि माध्यमको पढाई पनि प्रभावकारि देखिएको विद्यालयले जनाएको छ । यस्तै प्रत्येक कक्षाकोठामा जडान गरिएको सिसी क्यामराको कारण शैक्षिक गुणस्तर कायम गर्न मद्दत पुगेको बताइएको छ ।

विद्यालयमा शिक्षकहरूले पढाइमा लापरबाही गरेको र विद्यार्थीलाई अनुशासित गर्न नसकेको गुनासोपछि सीसी क्यामरा जडान गरिएको हो । कक्षाकोठामा जाँदा पढाइमा अवरोध हुने र सबै कोठामा जान कठिनाइ हुने भएकाले एकै ठाउँबाट बसेर चारैतिर हेर्न सकिनेगरी सिसी क्यामेरा जडान गरेको प्रअ विष्टले बताए ।

प्रतिक्रिया दिनुहोस

ताजा अपडेट

धेरै पढिएको